Mumbai Monorail Stuck Between Bhakti Park to Mysore Colony : मुंबईत आज भयावह घटना घडली. सर्वसामान्य नागरीक मोनोरेलने घरी जात असताना ती अचानक जागेवर स्तब्ध झाली. भक्तीपार्क ते म्हैसूर कॉलनी दरम्यान ही घटना घडली. गाडीतील एसी बंद पडली. जवळपास तासाभरापेक्षा जास्त वेळ नागरीक हतबल होवून गाडीत अडकून पडले. अग्निशामक दलाकडून प्रवाशांचं रेस्क्यू ऑपरेशन करण्यात येत आहे.
या दरम्यान अग्निशामक दल घटनास्थळी दाखल झालं. अग्निशामक दलाच्या तीन क्रेन घटनास्थळी दाखल झाल्या. मोनोरेलचा खालचा परिसर पूर्णपणे ब्लॉक करण्यात आला. अग्निशामक दलाचे जवान, पोलीस मोठ्या संख्येत तिथे उपस्थित झाले. अग्निशामक दलाकडून मोनोरेलचा आपत्कालीन दरवाजा तोडण्याचे प्रयत्न अग्निशामक दलाकडून करण्यात येत होता. या दरम्यान प्रवाशांनी मोनोरेलचा आतून काच फोडला. त्यातून तातडीने अग्निशामक दलाच्या क्रेनने प्रवाशांना खाली रेस्क्यू करण्यात येत आहे.
रेस्क्यू केलेल्या प्रवाशांची वैद्यकीय तपासणी
अग्निशानक दलाच्या क्रेनमधून प्रवाशांना बाहेर काढण्यात येत आहे. सध्या अध्यापेक्षा जास्त प्रवाशांना बाहेर काढण्यात आलं आहे. एसी बंद असल्यामुळे अनेकांना श्वास घेण्यास अडचण झाली. दोन महिलांना जास्त त्रास झाला. त्या भेदरलेल्या होत्या. त्यांना रेस्क्यू केल्यानंतर त्यांची तातडीने वैद्यकीय तपासणी करण्यात आली. प्रत्येक प्रवाशाची वैद्यकीय तपासणी प्रशासनाकडून केली जात आहे. ज्यांना श्वसनाचा त्रास होत आहे त्यांना जवळच्या रुग्णालयात नेलं जात आहे.
काळजी करु नका, मुख्यमंत्र्यांचं आवाहन
या घटनेनंतर मुख्यमंत्री देवेंद्र फडणवीस यांनी ट्विट करत आपली प्रतिक्रिया दिली आहे. “काही तांत्रिक कारणाने चेंबूर आणि भक्तीपार्क दरम्यान एक मोनोरेल अडकून पडली आहे. एमएमआरडीए, अग्निशमन दल आणि महापालिका अशा सर्वच यंत्रणा त्याठिकाणी पोहोचल्या आहेत. सर्व प्रवाशांच्या सुरक्षिततेला सर्वोच्च प्राधान्य देण्यात येत आहे. त्यामुळे कुणीही काळजी करु नये, घाबरून जाऊ नये. सर्व प्रवाशांना सुखरुप बाहेर काढण्यात येईल. सर्वांनी संयम ठेवावा, ही माझी सर्वांना विनंती आहे. मी एमएमआरडीए आयुक्त, महापालिका आयुक्त, पोलिस आणि सर्वच यंत्रणांशी संपर्कात आहे. हा प्रकार का घडला, याचीही चौकशी करण्यात येईल”, अशी प्रतिक्रिया मुख्यमंत्र्यांनी दिली.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा