फ्रान्स सरकारने १९ ऑगस्ट १८३९ रोजी ‘डेंग्युरोटाइप’ नावाची पहिली छायाचित्रण प्रक्रिया जगासाठी अधिकृतरीत्या जाहीर केली. ही प्रक्रिया लुई डेंग्युरे यांनी विकसित केली होती. त्यामुळे १९ ऑगस्ट हा दिवस जागतिक छायाचित्रणदिन म्हणून मान्यता पावला. छायाचित्रण कलेच्या प्रेमापोटी नाशिकमधील छंदवेडे मुरारी जाजू यांनी छायाचित्रण प्रक्रियेच्या जन्मापासूनचे विविध प्रकारचे कॅमेरे जतन करून एक अनोखा संग्रह तयार केला. हा वारसा त्यांचे नातू सागर काबरे यांनी जपला आहे.
गेस्ट हाउसची हौस पडली एक कोटीला! बनावट ई-स्टॅम्पद्वारे नाशिकच्या बिल्डरची फसवणूक, नेमकं प्रकरण काय?
मुरारी जाजू यांनी आपल्या ९० वर्षांच्या आयुष्यात शंभरपेक्षा अधिक देशी-विदेशी कॅमेऱ्यांचा संग्रह केला. विशेष बाब म्हणजे मराठी चित्रपटसृष्टीचे जनक दादासाहेब फाळके यांच्या चित्रपटांसाठी वापरलेला कॅमेराही त्यांच्या संग्रहात आहे. आपल्या संग्रहाबाबत सागर काबरे म्हणाले, की संग्रहातील बहुतांश कॅमेरे चालू स्थितीत आहेत. फक्त काहींच्या फिल्म आता मिळत नाहीत. एका कॅमेऱ्याची फिल्म परदेशातून मिळवून आम्ही तो चालवून पाहिला. त्याद्वारे काढलेल्या छायाचित्रांमुळे आम्हाला जुन्या काळाचा आनंद अनुभवता आला.
Chhagan Bhujbal: नाशिकचं पालकमंत्रिपद आम्हाला मिळायला हवे, कारण…; मंत्री छगन भुजबळ स्पष्टच बोलले
संग्रहालयातील कॅमेऱ्यांचे प्रकार
डेव्ही (Devy): दादासाहेब फाळके यांनी राजा हरिश्चंद्र चित्रपटासाठी वापरलेला कॅमेरा
गिवाबॉक्स (Gevabox): पहिला भारतीय कॅमेरा
सिरो-फ्लेक्स (Ciro-Flex) : अमेरिकेत तयार केलेला, ३.५ लेन्ससह
सॉलिडा (Solida IIa) : ३.५ लेन्स असलेला बेलोज कॅमेरा
स्टेरकू (STERKU) : ३.५ लेन्स व १/८ एमएम फिल्मसह
व्हॉइगलँडर : ३.५ लेन्स
याशिका ‘डी’ बेकॉन (Yashica व्हाइटहाउस ‘D’ Beacon): प्रॉडक्ट्स इंक, न्यूयॉर्क
जपानीस कोलो (Japanese Kolo): १९४७ ते १९५० दरम्यान बनवलेला १६ एमएम बेलोज कॅमेरा
रोलिफ्लेक्स (Rolleiflex): ४० व ५० च्या दशकातला सर्वांत महागडा कॅमेरा
मायटी (Mighty): सर्वांत लहान कॅमेऱ्यांपैकी एक