स्थानिक लोकप्रतिनिधींना डच्चू ?

दरम्यान, 18 ऑगस्ट रोजी मुंबईत आशिष शेलार यांच्या अध्यक्षतेखाली श्री तुळजाभवानी मंदिर जिर्णोद्धारसंबंधी एक महत्त्वाची बैठक बोलवण्यात आली होती. या बैठकीत स्थानिक लोकप्रतिनिधी यांना निमंत्रण देण्यात आलं नाही. याचबरोबर, जिल्ह्याचे पालकमंत्री प्रताप सरनाईक आणि खासदार ओमराजे निंबाळकर यांना देखील बैठकीत बोलवण्यात आले नाही. जिल्ह्यातील दोन महत्त्वाच्या व्यक्तींना बैठकीत न बोलवल्याने मोठी खळबळ उडाली होती. मात्र लोकप्रतिनिधींना टाळून थेट मटका किंगची शेलार यांच्या बैठकीत हजेरी दिसल्याने सर्वांच्या भुवया उंचावल्या आहेत.
भाजपकडून एकाच वेळी ठाकरेंसह शिंदेंवरही कुरघोडी? महत्त्वाच्या बैठकीतून पालकमंत्र्यांचेच नाव वगळल्याने खळबळ

अहवालावरून संभ्रम?

मागील बैठकीत १५ दिवसांत अहवाल देण्याचे आदेश होते. मात्र ६० दिवस उलटूनही अहवाल आला नाही. आता पुन्हा ३० दिवसांची मुदत देण्यात आली आहे. त्यामुळे जुना अहवाल कुठे गेला, दिरंगाई का होते आहे, यावर शंका व्यक्त केली जात आहे. एकूणच, तुळजाभवानी मंदिर जीर्णोद्धार प्रक्रियेवर सुरुवातीपासूनच वादंग निर्माण झाले आहे. लोकप्रतिनिधींना वगळणे, वादग्रस्त व्यक्तींना स्थान देणे आणि अहवालातील दिरंगाई यामुळे हा विषय आणखी गाजणार, हे निश्चित.