Maharashtra Politics : शिवसेनेला रामराम ठोकून चार महिने उलटले, तोच हेमलता पाटील यांनी महापालिका निवडणुकीच्या पार्श्वभूमीवर राष्ट्रवादी काँग्रेस अजित पवार गटात प्रवेश करण्याचा निर्णय घेतला आहे.
विधानसभेला काँग्रेसला सोडचिठ्ठी
नोव्हेंबर 2024 मध्ये झालेल्या विधानसभा निवडणुकीत काँग्रेसच्या तिकिटावर महाविकास आघाडीकडून लढण्यास त्या इच्छुक होत्या. परंतु, नाशिक मध्य मतदारसंघातून उमेदवारी न मिळाल्याने त्यांनी जाहीरपणे नाराजी व्यक्त केली. तिकीट न मिळाल्याने त्यांना माध्यमांशी संवाद साधतानाच अश्रू अनावर झाले होते. त्यानंतर सर्व पदांचा राजीनामा देत त्यांनी काँग्रेसचा हात सोडला. त्यावेळी पाटील काँग्रेसच्या प्रवक्तेपदी होत्या. तर नाना पटोले महाराष्ट्र काँग्रेसचे प्रदेशाध्यक्षपद भूषवत असल्याने पाटलांचा रोख त्यांच्याकडेच होता.
Maharashtra Politics : बीएमसी निवडणुकीच्या तोंडावर ठाकरे बंधूंच्या युतीची लिटमस टेस्ट, जागावाटप ठरलंय ‘बेस्ट’, फडणवीसांना थेट भिडणार
शिवसेनेला अल्पावधीतच जय महाराष्ट्र
त्यानंतर हेमलता पाटील यांनी फेब्रुवारी 2025 मध्ये शिवसेना एकनाथ शिंदे गटात प्रवेश केला. परंतु, तेथेही त्यांचे मन रमत नव्हते. त्यामुळे दीड-दोन महिन्यांतच त्यांनी पक्ष सोडण्याचा निर्णय घेतला. त्याचवेळी आपण सध्या कोणत्याच पक्षात काम करणार नसल्याचेही त्यांनी स्पष्ट केले होते.
अजितदादांची रोहित पवारांना मदत, भावकीचा बळी ठरलो, वरिष्ठांनी चर्चा करावी; राम शिंदे संतापले
शिवसेना शिंदे गटाला राम राम ठोकून चार महिने उलटले. आता पुन्हा हेमलता पाटील यांनी महापालिका निवडणुकीच्या पार्श्वभूमीवर राष्ट्रवादी काँग्रेस अजित पवार गटात प्रवेश करण्याचा निर्णय घेतला आहे. आज, सोमवारी 18 किंवा उद्या, मंगळवारी 19 ऑगस्ट रोजी त्या राष्ट्रवादी काँग्रेसमध्ये प्रवेश करणार आहेत. आता आगामी महापालिका निवडणुकीत पाटलांच्या प्रवेशाने राष्ट्रवादीला नाशकात बळ मिळण्याचे संकेत आहेत. Padmakar Valvi : भाजप सोडलं, अजित दादांशी भेट, माजी मंत्र्यांचा चकवा, काँग्रेसचा ‘हात’ धरत महायुतीला दणका
महामंडळ नियुक्त्या निवडणुकांनंतर
दरम्यान, राज्यातील महामंडळांवरील नियुक्त्यांबाबत निर्णय झाले आहेत, मात्र त्यांचे वाटप स्थानिक स्वराज संस्थांच्या निवडणुकांनंतर करण्यात येईल. सर्वांनी निवडणुका जिंकण्यासाठी आतापासून तयारीला लागा, असं आवाहन उपमुख्यमंत्री आणि राष्ट्रवादी काँग्रेसचे अध्यक्ष अजित पवार यांनी जळगाव येथे केलं.रविवारी जळगावातील राष्ट्रवादी पक्षाच्या कार्यालयात खान्देशातील जळगाव, धुळे आणि नंदुरबार जिल्ह्यातील प्रमुख पदाधिकाऱ्यांची बैठक आयोजित करण्यात आली होती. अजित पवारांनी बैठकीत मार्गदर्शन केलं. यावेळी नंदुरबार, धुळे, जळगाव जिल्हा आणि रावेर येथील अनेक पदाधिकाऱ्यांनी राष्ट्रवादीत जाहीर प्रवेश केला. आगामी स्थानिक स्वराज्य संस्थांच्या निवडणुकांच्या पार्श्वभूमीवर सभासद नोंदणी वाढवावी, गावागावांत पक्षाची विचारधारा पोहोचवावी, तुमची कामगिरी दाखवावी, त्यानंतरच अध्यक्ष, उपाध्यक्ष आणि सदस्य म्हणून महामंडळावर नियुक्ती देऊ, असंही अजित पवार यांनी स्पष्ट केलं.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा