बारामती येथे सर्वांत उंच तिरंगा उभारण्याच्या लोकार्पण सोहळ्या दरम्यान भाषण केले. या भाषणावेळी त्यांनी हे उत्तर दिले. या सोहळ्यादरम्यान अजित पवार यांनी गंभीर मुद्द्यावरही भाष्य केले. बारामतीतील खांबांच्या नट बोल्टची चोरी करणाऱ्यांवर कठोर कारवाईची मागणी करत त्यांनी मकोका लावण्याची मागणी केली. त्यांनी स्पष्ट केले की, अशा प्रकारच्या गुन्ह्यांना आळा घालण्यासाठी कडक कायदेशीर पावले उचलणे गरजेचे आहे.
मोठी बातमी: पुण्यातून महायुतीत मिठाचा खडा? राष्ट्रवादीची स्वबळाची भाषा, कार्यकर्त्यांना थेट सूचना
बारामती शहरातील सर्वात उंच राष्ट्रध्वज स्तंभाचे आज स्वातंत्र्यदिनी लोकार्पण झाले. उपमुख्यमंत्री अजित पवार यांच्या हस्ते व राज्यसभेच्या खासदार सुनेत्रा पवार यांच्या उपस्थितीत हा कार्यक्रम पार पडला. बारामती शहरात सामाजिक उत्तरदायित्व निधीतून (सीएसआर) तीस मीटर उंचीचा (शंभर फूट उंच) राष्ट्रध्वज स्तंभ उभारण्यात आला आहे. उपमुख्यमंत्री अजित पवार यांच्या संकल्पनेतून आणि प्रयत्नांतून हा स्तंभ साकारण्यात आला.

ध्वजस्तंभाच्या पावित्र्याचे रक्षण होईल आणि समाजात आदर्श निर्माण होईल, असे अजित पवारांनी नमूद केले. हा सोहळा बारामतीत मोठ्या उत्साहात पार पडला. अजित पवार यांनी आपल्या भाषणात स्थानिक विकासकामांचाही आढावा घेतला आणि कार्यकर्त्यांना एकजुटीने काम करण्याचे आवाहन केले. त्यांच्या या भाषणाने उपस्थितांमध्ये उत्साह निर्माण झाला, तर त्यांच्या कार्यकर्त्याशी संवादातील खटकेबाज उत्तराने सर्वांचे मन जिंकले. अजितदादांच्या या शैलीमुळे ते नेहमीच चर्चेत असतात.