Bottle Neck Flyover: मिरा-भाईंदरमधील डबल डेकर उड्डाणपूल वादाच्या कचाट्यात आडकला आहे. अचानक अरुंद होणारा हा उड्डाणपूल मुंबई मेट्रो लाइन 9च्या मार्गावर बांधण्यात आला असून पुलाचं काम झालं तरी वाहतूक सुरू नाही झाली.
मिरा-भाईंदर शहरात प्रवेशासाठी छत्रपती शिवाजी महाराज चौक ते गोल्डन नेस्ट हा एकमात्र मुख्य रस्ता आहे. या मार्गालाच अनेक पर्यायी रस्ते जोडलेले आहेत. त्यामुळे मुख्य रस्त्यावरील चौकांमध्ये नेहमी वाहतूककोंडी होते. या समस्येतून नागरिकांची सुटका करण्याच्या दृष्टीने ‘एमएमआरडीए’च्या माध्यमातून नागपूरच्या धर्तीवर मिरा-भाईंदरमध्ये मेट्रोला समांतर तीन पूल उभारण्याचा निर्णय घेण्यात आला. त्यानुसार तीन पूल उभारण्यात आले असून, त्यातील दोन सेवेत आले आहेत. गोल्डन चौकातील तिसऱ्या पुलाचे काम सुमारे सहा महिन्यांपूर्वी पूर्ण झाले. मात्र, या पुलाची छायाचित्रे ‘बॉटल नेक’ पूल नावाने सोशल मीडियावर व्हायरल झाली.
Goregaon Creek Bridge: गोरेगाव खाडीवर सहा पदरी पूल, केबल-स्टेड ब्रिजमुळे वाहतूक कोंडी फुटणार; कुठून-कुठे जोडणार?
गोल्डन नेस्टहून चढण्यासाठी दोन अधिक दोन असा चार पदरी असणारा हा पूल आझादनगरजवळ उतरण्यासाठी दोन पदरी होत असल्याने टीका आणि आरोप झाले. त्यामुळे ‘एमएमआरडीए’ने तज्ज्ञांच्या मदतीने पुलाचे सर्वेक्षण करत त्यात सुधारणा करण्याचा निर्णय घेतला. त्यानुसार मागील काही महिने पुलात सुधारणा करण्याचे काम सुरू होते. तेदेखील दीड दोन महिन्यापूर्वी पूर्ण झाले आहे. मात्र, त्यानंतरही हा पूल अद्याप वाहतुकीसाठी खुला करण्यात आलेला नाही. काही कामे प्रलंबित असल्याचे कारण याबाबत ‘एमएमआरडीए’कडून पुढे केले जात आहे. मात्र, दीपक हॉस्पिटल सिग्नल व गोल्डन चौकातील वाहतूककोंडीमुळे प्रवास त्रासदायक ठरत असल्याने हा पूल वाहतुकीसाठी लवकरात लवकर खुला करण्याची मागणी होत आहे.
BKC Public Transport Day: बीकेसीत खासगी वाहनांची वर्दळ कायम, भर उन्हात मुंबईकरांची कोंडी, ‘नो कार फ्रायडे’ पहिल्याच दिवशी का फसला?
नेते मंडळी अनिच्छुक
विविध विकासकामांच्या उद्घाटनाचे श्रेय घेण्यासाठी राजकीय नेत्यांमध्ये वरचढ पाहायला मिळते. मात्र, ‘बॉटल नेक’ पूल वादग्रस्त ठरल्यामुळे त्याच्या उद्घाटनासाठी स्थानिक नेते उत्सुक नसल्याचे समजते. ‘एमएमआरडीए’ नेच उद्घाटन करून तो खुला करावा, अशी भूमिका त्यांच्याकडून घेण्यात आल्याचे सांगण्यात येते.
लेखकाबद्दलसानिया कदमसानिया कदम या सध्या ‘मटा ऑनलाईन’मध्ये गेल्या सहा महिन्यांपासून कन्सल्टंट पदावर कार्यरत आहेत. २०२५ मध्ये बॅचलर्सचे शिक्षण पूर्ण करून त्यांनी नुकताच पत्रकारितेच्या क्षेत्रात प्रवेश केला आहे. लोकल बातम्या, लाइव्ह ब्लॉग कव्हरेज, गुन्हेगारी, आंतरराष्ट्रीय घडामोडी तसेच इन्फ्रास्ट्रक्चर व नागरी विकासाशी संबंधित बातम्यांमध्ये त्यांना विशेष रस आहे.
पत्रकारितेतील व्यावसायिक कामाची ही त्यांची पहिलीच वेळ असली, तरी त्यांच्या पत्रकारितेच्या प्रवासाची सुरुवात महाराष्ट्र टाइम्स प्रिंटमधून झाली. २०२४ मध्ये मुलुंड वाणिज्य महाविद्यालयातून बीएमएमचे शिक्षण घेत असताना प्राध्यापकांकडून त्यांची कॉलेज क्लब रिपोर्टर म्हणून नियुक्ती झाली आणि तेव्हाच ‘मटा’शी त्यांचा पहिला संबंध जोडला गेला.
यानंतर त्यांनी अनेक महिन्यांपर्यंत महाराष्ट्र टाइम्सच्या ‘मुंबई टाइम्स’ पुरवणीसाठी लेखन केले. कॉलेज विद्यार्थ्यांच्या दैनंदिन समस्या, सोशल मीडियावरील ट्रेंड्स तसेच एआयच्या वाढत्या प्रभावावर त्यांनी अनेक लेख लिहिले. सोशल मीडियावर गाजलेल्या ‘घिबली आर्ट’ ट्रेंडवर तसेच परीक्षेच्या काळात विद्यार्थ्यांच्या आयुष्यात वाढत्या एआयच्या वापराबाबत लिहिलेल्या लेखांचे विशेष कौतुक झाले. या काळात महाराष्ट्र टाइम्स प्रिंटच्या विविध कार्यक्रमांमध्ये सहभागी होत त्यांनी वृत्तांकनासाठीही हातभार लावला. २०२५ मधील ‘माय मराठी कला संगम’ तसेच महाराष्ट्र टाइम्सच्या ‘शोध युवा प्रतिमेचा’ या विशेष कार्यक्रमांचे त्यांनी वृत्तांकन केले. विद्यार्थ्यांशी आणि नव्या पिढीशी जोडून घेणाऱ्या, त्यांच्या दृष्टिकोनातून बातम्या मांडण्याचा त्यांचा नेहमीच प्रयत्न राहिला.
२०२५ मध्ये बीएमएमचे शिक्षण पूर्ण केल्यानंतर त्यांनी के.सी. महाविद्यालयातून एमए इन जर्नलिझमला प्रवेश घेतला आणि त्याचवेळी ‘मटा ऑनलाईन’मध्ये काम सुरू केले. येथे त्यांनी लोकल बातम्या, लाइव्ह ब्लॉग अपडेट्स, इन्फ्रास्ट्रक्चर व विकासकामे, तसेच सरकारी धोरणे यांवर विशेष प्राविण्य मिळवले.
लहानपणापासूनच मराठी आणि इंग्रजी भाषेत वाचन-लेखनाची आवड असल्याने इंग्रजी भाषेवर त्यांचे विशेष प्रभुत्व आहे. त्यामुळे इंग्रजीतील गुंतागुंतीच्या बातम्या मराठी वाचकांसाठी सोप्या, समजण्यासारख्या भाषेत मांडण्याचा त्यांचा सातत्यपूर्ण प्रयत्न असतो. डिग्रीपर्यंतचं शिक्षण इंग्रजी माध्यमातून केलं असून संपूर्ण महाविद्यालयात प्रथम क्रमांक पटकावला. शेवटच्या वर्षी, न्यूजरूम नावाच्या प्रोजेक्टसाठी एका वृत्तपत्राच्या संपादकांची मुलाखत घेणं आवश्यक होतं. त्यावेळी, मुंबई चौफेरचे संपादक श्री. प्रफुल्ल फडके यांची मुलाखत घेतली. या मुलाखती दरम्यान त्यांनी आपल्या 30 वर्षांच्या मराठी भाषेतील पत्रकारीतेच्या अनुभवाबद्दल सांगितलं. त्यावेळी मराठी माध्यमातून पत्रकारिता करण्याची आवड निर्माण झाली. नंतर महाराष्ट्र टाईम्स प्रिंटमधल्या अनुभवामुळे ही आवड आणखी वाढली.… आणखी वाचा