व्हिडिओमध्ये दिसते की, मुलगा आपल्या आईसमोरच वडिलांना पुन्हा पुन्हा चापट मारतोय. वृद्ध पिता हात जोडून मुलाला थांबवण्याची विनंती करतात, पण त्याचा काहीही परिणाम होत नाही. मुलगा कधी पित्याचे केस ओढतो, कधी कान पकडतो, तर कधी मान धरून त्यांना मारतो. त्या क्षणी पित्याची झालेली असहाय्यता, डोळ्यांमधील वेदनेचा भाव, पाहून हृदय तुटते. आई एकदा उठून मुलाला थांबवण्याचा प्रयत्न करते, मात्र तो प्रयत्नही निष्फळ ठरतो. त्या आईच्या चेहऱ्यावरची घबराट आणि असमंजसपणा स्पष्ट दिसून येतो जणू ती स्वतःलाही समजत नाही की तिचा मुलगा एवढा कठोर कसा झाला.

Nagpur News : नागपूरमध्ये टू-व्हीलरवर बायकोची बॉडी बांधून घेऊन निघालेला पती, कारण ऐकून तुमचंही मन हेलावेल, Video तुफान व्हायरल
हा व्हिडिओ व्हायरल झाल्यानंतर नागपूर पोलिसांनी तत्काळ कारवाई करत त्या घराचा शोध घेतला. पोलिस निरीक्षक गजानन तामठे यांच्या नेतृत्वाखाली पथक घटनास्थळी पोहोचले. मात्र, या प्रसंगातील सर्वांत दुःखद बाब म्हणजे, ज्यांच्या अंगावर हा अपमान सहन करावा लागला त्या पित्यानेच पोलिसांना सांगितले की अशी कोणतीही घटना घडलेली नाही. पोलिसांनी तक्रार नोंदवण्यासाठी तयारी दाखवली, तरीही पित्याने नकार दिला.
Nagpur News: कपलॉक तुटले की जमीन खचली? कोराडी दुर्घटनेची एनएमआरडीएकडून चौकशी सुरु
तर आईने पोलिसांना थेट प्रश्न केला की, “हा आमचा घरगुती विषय आहे, आम्ही काही बोललो नाही तर तुम्ही का आलात?” पोलिसांनी मात्र आपले कर्तव्य पार पाडत मुलाला कठोर दिली आणि पुन्हा अशी कृती केल्यास कारवाई होईल अशी चेतावणी दिली. पण इथे मोठा प्रश्न उभा राहतो की, केवळ चेतावणीने अशा प्रवृत्तीवर नियंत्रण मिळेल का? हा प्रकार केवळ एका कुटुंबाचा नाही, तर त्या असंख्य वृद्धांची कहाणी आहे जे आपल्या मुलांकडून होणारी शारीरिक व मानसिक छळ सहन करतात, पण सामाजिक दबाव, नात्यांचे ओझे आणि “घराचं नाव खराब होईल” या भीतीमुळे शांत राहतात.
Nagpur-Pune Vande Bharat : नागपूर–पुणे वंदे भारतचे PM मोदींच्या हस्ते लोकार्पण, विदर्भ-पश्चिम महाराष्ट्राचा प्रवास सुस्साट; जाणून घ्या कशी असेल प्रवासी सोय
आपल्या आयुष्यभर ज्यांनी आपल्यासाठी कष्ट केले, आपल्याला वाढवलं, आपल्यासाठी जगाशी लढले तर त्या पालकांचा सन्मान राखणे हा केवळ संस्कारांचा भाग नाही, तर प्रत्येक मुलाचे पहिले कर्तव्य आहे. नागपूरच्या या घटनेने पुन्हा एकदा समाजाला आरसा दाखवला आहे. आपण आपल्या वृद्धांचा आदर करतोय का, की त्यांच्या आत्मसन्मानाचा भंग आपल्या घरातच होत आहे? जर समाज व कुटुंब वेळेवर अशा घटनांवर पाऊल उचलणार नाहीत, तर उद्या अशी व्हिडिओ केवळ बातम्या नव्हेत, तर अनेकांचा घरातील वास्तव ठरतील.