यंदा १०६ टक्के पावसाचा अंदाज वर्तविण्यात आला आहे. राज्यात मे महिन्याच्या अखेरीस नैऋत्य मोसमी वारे दाखल होऊन पावसाला सुरुवात झाली. दहा दिवस आधीच मान्सून दाखल झाल्याने मे महिन्याच्या अखेरीस आणि जूनमध्ये राज्यात सर्वदूर पावसाने हजेरी लावली. पश्चिम महाराष्ट्र, कोकण आणि विदर्भातील अनेक धरणे भरल्याने मोठ्या प्रमाणात विसर्गही झाला. मात्र, पेरणीनंतर पुरेसा पाऊस नसल्याने खरीपाच्या पिकांना फटका बसला आहे. विसर्ग केलेल्या पाण्याचे योग्य नियोजन नसल्याने त्याचाही परिणाम खरीप पिकांवर झाला आहे. मे आणि जूनमधील पावसामुळे शेतकऱ्यांनी पेरण्या केल्या. मात्र, त्यानंतर मध्य महाराष्ट्राचा पूर्व भाग, खान्देश, मराठवाडा व विदर्भात पुरेसा पाऊस न झाल्याने त्याचा परिणाम पेरण्यांवर झाला आहे. पाऊस नसल्याने ही पिके जळण्याच्या स्थितीत आहेत. ‘राज्यातील काही तालुक्यांत कमी पाऊस असल्याने पिके अडचणीत आली आहेत. शेतकऱ्यांनी सिंचन पद्धतीने पाणी दिल्यास पिके तग धरून राहतील, असं कृषी विभागातील वैभव तांबे यांनी सांगितले.

Pune Crime : बासsss आता नाही सहन होतं! पुण्यात ‘दुसरी वैष्णवी हगवणे’ सारखी घटना, २५ वर्षीय विवाहितेने संपवलं जीवन
६६ कमी पावसामुळे सोयाबीनचे आहे; तसेच मूग आणि उडिद पीकही कमी असेल. एकीकडे पाऊस कमी, तर छत्रपती संभाजीनगरमधील फुलंब्री, अकोल्यातील बाळापूर आणि परभणीतील सोनपेठ येथे अतिवृष्टी झाल्याने पिके वाहून गेली आहेत.
– डॉ. रामचंद्र साबळे, कृषी हवामान तज्ज्ञ

Latur News: त्यांना कठोर शिक्षा व्हावी, फेसबुकवर अखेरची इच्छा सांगत तरुणाने केली आयुष्याची अखेर, लातुरात खळबळ

राज्यात ९५ टक्के पेरण्या
राज्यात सरासरीच्या १४४ लाख ३६ हजार हेक्टरपैकी १३७लाख ३४ हजार हेक्टर म्हणजेच ९५ टक्के पेरण्या झाल्या आहेत. मागील वर्षी याच काळात १४५ लाख ८२ हजार हेक्टरवर पेरण्या झाल्या होत्या. राज्यात दोन महिन्यांत सरासरीच्या ५३८.५ मिलिमीटरपैकी ४९७.८ मिलिमीटर म्हणजेच ९२ टक्के पाऊस झाला आहे. १२ जिल्ह्यांत १०० टक्क्यांहून अधिक पाऊस पडला आहे. २२ जिल्ह्यांत १०० टक्क्यांपेक्षा कमी पावसाची नोंद झाली आहे. मध्य महाराष्ट्राचा पूर्व भाग, मराठवाडा, खान्देश, पश्चिम विदर्भांत कमी पाऊस पडला आहे.