नेमकं काय घडलं?

नरेश भागचंदानी 11 जून रोजी नेहमीप्रमाणे मॉर्निंग वॉक आणि मंदिरात दर्शनासाठी निघाले होते. अंधेरी पश्चिम येथील लोखंडवाला कॉम्प्लेक्सच्या दुसऱ्या क्रॉस लेनमध्ये सकाळी 6.50 ते 7.10 वाजताच्या दरम्यान एका अज्ञात वाहनाने त्यांना धडक दिली. अपघातानंतर नरेश वेदनांनी विव्हळत पडले होते. एका पादचाऱ्याने त्यांची पत्नी दीपिका भागचंदानी यांना या घटनेची माहिती दिली. त्या तातडीने अपघातस्थळी पोहोचल्या.नरेश यांना सुरुवातीला कोकिलाबेन रुग्णालयात नेण्यात आलं. तिथे त्यांच्यावर प्राथमिक उपचार करण्यात आले. त्यानंतर त्यांना लीलावती रुग्णालयात दाखल करण्यात आलं. त्यांच्या मणक्याला आणि पायाला गंभीर दुखापत झाली आहे. त्यांना व्हेंटिलेटरवर ठेवण्यात आलं आहे. डॉक्टरांच्या म्हणण्यानुसार, त्यांची दुखापत भरुन येण्यासाठी वर्षभराचा कालावधी लागू शकतो.
Baramati Accident : पोटावरुन चाक, हातावर जोर देत उठले; अपघातानंतरही बापाचं काळीज धडधडतं, म्हणाले माझ्या पोरींना तरी वाचवा
इमर्जन्सी स्कॅननंतर नरेश यांना कार्डिअॅक अॅम्ब्युलन्सने लीलावती रुग्णालयात हलवण्यात आलं. हायपोक्सिया आणि रक्तातील ऑक्सिजन पातळी कमी झाल्यामुळे त्यांना इंट्यूबेट करण्यात आलं. दुखापतींमुळे त्यांना दीर्घकालीन व्हेंटिलेटरी सपोर्टची आवश्यकता आहे. रुग्णालयात दाखल करताना पोटात फुगवटा येण्यासोबतच त्यांच्या आतड्यातही बाधा आहे.

Mumbai News : वाहतूक पोलिसाचा सल्ला ऐकला, 15 व्या मिनिटाला अंधेरीत कारची डबल पलटी, दाम्पत्य बालंबाल बचावलं, काय घडलं?
अपघातानंतर पोलिसांनी 19 वर्षीय मानव जैन याला अटक केली होती. त्याची वैद्यकीय तपासणी करण्यात आली. मात्र त्याला अपघाताच्या दोनच दिवसांनी म्हणजेच 13 जून रोजी जामीन मिळाला. पोलिस चार्जशीट दाखल करायला का उशीर करत आहेत? जखमी भागचंदानींच्या उपचाराचा खर्च कोण उचलणार? आणि ते एकटे कमावते असल्याने त्यांच्या कुटुंबाचा खर्च कसा भागणार? 12 जून रोजी घेतलेला रक्त तपासणी अहवाल अजून का आलेला नाही? असे प्रश्न कुटुंबीयांनी उपस्थित केले आहेत.