परभणीमधील काँग्रेस पक्षाचे माजी मंत्री सुरेश वरपुडकर यांचा भाजपमध्ये प्रवेश पार पडला. या कार्यक्रमामध्ये काँग्रेसचे नेत्यांनी पाठ फिरवल्याचं दिसून आलं. सुरेश वरपुडकर यांच्या पक्षप्रवेशासाठी परभणीमधून मोठ्या संख्येने कार्यकर्ते मुंबईमध्ये आले होते. कार्यकर्ते आले पण काँग्रेसचे प्रमुख नेते न आल्याने याची भाजपचे नेतेही आवाक झाले. कारण वरपुडकर यांच्या जाण्याने काँग्रेसची ताकद कमी होईल असं बोललं जात होतं. पण प्रत्यक्षात तसं काही झालं नाही. त्यामुळे भाजपनेही वरपुडकर यांच्यासोबत आलेल्या कार्यकर्त्यांच्या उपस्थितीत पक्षप्रवेश केला. यावेळी भाजपचे प्रदेशाध्यक्ष रवींद्र चव्हाण आणि भाजपच्या काही इतर नेते या पक्षप्रवेशावेळी उपस्थित होते.
Mumbai Accident : वेगवान गाडीने उडवलेलं, अंधेरीतील वृद्धाची दीड महिन्यानंतरही जीवनाशी झुंज, 19 वर्षीय तरुणाबाबत पीडित कुटुंबाचे गंभीर आरोप
दरम्यान, परभणी जिल्ह्यामध्ये काँग्रेस म्हणजे सुरेश वरपुडकर आणि मेघना बोर्डीकर यांचे चेहरे होते. काँग्रेस पक्षात दोघांचेही वैयक्तिक गट होते. मात्र काही दिवसांनंतर बोर्डीकर यांना भाजपने आपल्याकडे घेत काँग्रेसला खिंडार पाडलं होतं. भाजपनेही त्यांना ताकद दिली होती. मात्र आता सुरेश वडपुडकर यांनीही कमळ हाती घेतल्याने आता भाजपमध्ये गटबाजी वाढणार की आणखी ताकद वाढणार हे पाहणं महत्त्वाचं ठरणार आहे.