सुमारे ३४ कोटी रुपये खर्च करून बांधल्या जाणाऱ्या ६५० मीटर लांबीच्या या पुलामुळे कामठी मार्गावरील वाहतूक सुरळीत होणार आहे. सध्या कामठी मार्गावरून नासुप्र कार्यालयाच्या दिशेने जाऊन वळसा घेत कामठी मार्गाला लागावे लागते. हा अडसर नवीन पूल झाल्यानंतर दूर होणार आहे, असे महामेट्रोने सांगितले.

समृद्धी महामार्गावरील अपघात रोखणार ‘लूम ॲलर्ट’; नागपूर विद्यापीठाची अनोखी कल्पना, काय आहे इनोव्हेटिव्ह मॉडेल?पूर्व नागपूर, उत्तर नागपूर आणि मध्य नागपूरला पश्चिम नागपूरशी जोडण्यासाठी तयार करण्यात येत असलेल्या भुयारी मार्गासमोरील अडसर आता दूर झाला आहे. मानस चौक ते इन्स्टिट्यूट ऑफ सायन्स असा ८७० मीटर लांबीच्या या मार्गाचे काम आता १५ ऑगस्टनंतर सुरू करण्यात येईल, असे महामेट्रोकडून सांगण्यात आले. वृक्षतोडीवर आक्षेप घेतल्याने हे काम रखडले होते. महामेट्रोकडून १ हजार ५२४ झाडे लावण्यात आल्याने या कामाला गती मिळणार आहे.

Nagpur News :स्मार्ट मीटर मोहिमेच्या धोरणांवर स्पष्टीकरण द्या; मुंबई उच्च न्यायालयाची राज्य आणि केंद्र सरकारला १४ ऑगस्टपर्यंतची अंतिम मुदतकेंद्रीय रस्ते वाहतूक व महामार्ग मंत्री नितीन गडकरी यांच्या हस्ते १४ ऑक्टोबर रोजी झिरो माइल मेट्रो स्टेशन जवळील मानस चौक ते इन्स्टिट्यूट ऑफ सायन्स या प्रस्तावित भुयारी मार्गाचे भूमिपूजन करण्यात आले होते. या भुयारी मार्गासाठी ७९.६७ कोटी रुपये खर्च येणार असून या खर्चाला मंजुरी मिळाली आहे. जीएसटी आणि इतर खर्च वगळता हा प्रकल्प पूर्ण करण्यासाठी ६२.८४ कोटी रुपये खर्च अपेक्षित आहे, असे महामेट्रोकडून सांगण्यात आले.

गर्दी होणार कमी

या मार्गाला तीन प्रवेश आणि तीन निर्गमन राहणार आहे. प्रकल्पात ५.५ मीटर बाय ५.५ मीटरचे दोन बॉक्स तयार करण्यात येईल. १० मीटर बाय ५.५ मीटरचा एक बॉक्स असेल. या मार्गामुळे मानस चौक ते लोखंडी पूल (लोहापूल) येथील गर्दी कमी होण्यास मोठ्या प्रमाणात मदत होईल. हा भुयारी मार्ग झिरो माइलजवळ वर्धा रोडच्या दोन्ही बाजूने जाणार आहे. या मार्गामुळे भवन्स शाळा, बीएसएनएल कार्यालय, वनविभाग कार्यालय या परिसरातील गर्दीही कमी होईल, असे महामेट्रोकडून सांगण्यात आले.