मराठी विजय मिळाव्याच्या निमित्ताने काही दिवसांपूर्वी राज आणि उद्धव ठाकरे हे तब्बल 19 वर्षांनंतर एका व्यासपीठावर आले होते. त्यानंतर आता वाढदिवसाच्या शुभेच्छा देण्यासाठी राज ठाकरे मातोश्रीवर गेल्याने ठाकरे बंधूंच्या मनोमिनलाची प्रक्रिया आणखी पुढे सरकल्याचं दिसत आहे. आगामी मुंबई महानगरपालिका निवडणुकीच्या हे दोन्ही भाऊ एकत्र येतील, अशी शक्यता वर्तवली जात आहे. अशातच उद्धव ठाकरे यांच्या वाढदिवसाच्या निमित्ताने बंधू राज ठाकरे मातोश्रीवर गेल्याने या चर्चांना आणखीनच बळ मिळालं आहे.

Sanjay Raut : ‘गिरीश महाजन नावाचा सांड मोकाट सुटलाय, आवरलं नाही तर फडणवीसांनाही….’ संजय राऊतांची गंभीर टीका

जिव्हाळा, संघर्ष अन् मनोमिलनाची प्रक्रिया

राज ठाकरे यांचं लहानपण मातोश्री निवासस्थानी गेलं. ते मातोश्रीवर असताना त्यांना त्यांचे काका शिवसेनाप्रमुख दिवंगत बाळासाहेब ठाकरे यांचा प्रचंड जिव्हाळा आणि प्रेम अनुभवयास मिळाले. मात्र नंतर उद्धव ठाकरे यांच्याशी झालेल्या मतभेदानंतर राज ठाकरे शिवसेनेतून बाहेर पडले आणि त्यांनी मातोश्री निवासस्थानही सोडलं. त्यानंतर त्यांचा उद्धव ठाकरेंशी कायमच राजकीय संघर्ष होत राहिला. मात्र आता राज्यातील बदलेल्या राजकीय समीकरणांच्या पार्श्वभूमीवर पुन्हा एकदा दोन्ही बंधूंच्या राजकीय मनोमिलनाची प्रक्रिया सुरू झाली असून आधी मराठी विजय मेळावा आणि आता उद्धव ठाकरेंच्या वाढदिवसाच्या निमित्ताने हे दोन्ही बंधू एकत्र आले आहेत.

दरम्यान, राज आणि उद्धव यांच्या या मनोमिलनाचे रुपांतर आगामी काळात राजकीय युतीत होणार का आणि आगामी मुंबई महानगरपालिका निवडणुकीत ठाकरेंच्या शिवसेना आणि राज ठाकरे यांची मनसे एकत्रित निवडणुका लढणार का, हे पाहणं औत्सुक्याचं ठरणार आहे.