ना सुईची भीती, ना वेदना, ना सूज

या नव्या पद्धतीत “जेट इन्फ्युझन तंत्रज्ञान” वापरले जाते. या तंत्राद्वारे औषध एका विशेष पिस्टल सदृश्य उपकरणाद्वारे त्वचेतून ४ सेंटीमीटर खोल मसल्समध्ये प्रवेश करते. इंजेक्शन देताना कोणतीही सुई वापरली जात नाही. उच्च दाबाचा वापर करून औषध त्वचेच्या आत सोडले जाते. त्यामुळे या पद्धतीत ना सुईची भीती, ना वेदना, ना सूज.आणि सर्वात महत्त्वाचं म्हणजे संसर्गाचा धोका अत्यंत कमी.
Car Accident : धुळे-सोलापूर महामार्गावर भीषण अपघात, दुभाजकाला आदळून कार फुटबॉलसारखी थेट हवेत, व्हिडिओ समोर

तेलयुक्त औषधांसाठी ही पद्धत उपयुक्त नाही

डॉ. गावंडे यांच्या म्हणण्यानुसार, “सामान्य इंजेक्शनमध्ये कधी कधी नसांना इजा, टिश्यू डॅमेज, किंवा संसर्ग होण्याची शक्यता असते. परंतु सुईविना दिल्या जाणाऱ्या इंजेक्शनमध्ये हे धोके जवळजवळ नाहीसे होतात. लहान मुलांपासून वृद्धांपर्यंत सर्व वयोगटांमध्ये ही पद्धत फायदेशीर आहे.” या पद्धतीद्वारे इंट्रामस्क्युलर (Intramuscular) आणि सबक्युटेनस (Subcutaneous) प्रकारच्या इंजेक्शन्स दिले जातात. विशेषतः लसीकरण, इन्सुलिन इत्यादींच्या वापरात याचे महत्त्व वाढत आहे. मात्र, तेलयुक्त (oil-based) औषधांसाठी ही पद्धत उपयुक्त नाही, असेही डॉ. अविनाश गावंडे यांनी स्पष्ट केले.
Pune Purandar Airport : पुण्यातील पुरंदरचे शेतकरी होणार कोट्यधीश, ‘एरोसिटी’ मुळे जमिनीचा ‘भाव’ वाढणार, नेमकं काय जाणून घ्या
लहान मुलांपासून वयोवृद्ध व्यक्तींपर्यंत या तंत्रज्ञानाचे चाचणीआधारित प्रयोग झाले असून, याचे परिणाम समाधानकारक आहेत. यामुळे भविष्यात या पद्धतीचा वापर अधिक व्यापक प्रमाणावर होण्याची शक्यता आहे. सुईची भीती दूर करत सुरक्षित आणि वेदनारहित उपचार देणारे हे तंत्रज्ञान नागपूरच्या आरोग्य क्षेत्रात एक नवीन वाट निर्माण करत आहे.