राज्यसभेवर खासदार म्हणून निवड झाल्यानंतर अॅड. उज्ज्वल निकम प्रथमच जळगावात दाखल झाले. यावेळी शहरात त्यांचे जल्लोषात स्वागत करण्यात आले. ढोल-ताशा, लेझीम पथक, फटाक्यांच्या आतषबाजीत त्यांचं स्वागत झालं. ते म्हणाले, खासदार म्हणून शपथ घेतल्यानंतर मी जळगावमध्ये पहिल्यांदाच आलो.जळगावकरांनी ज्या आत्मीयतेने स्वागत केलं, त्याने मी भारावून गेलो. मी जळगावचा आहे, जळगावचाच राहणार असंही ते यावेळी म्हणाले.