दिपाली गणेश आस्वार वय १९ रा. माळीवाडा ता. कन्नड असे मयत झालेल्या युवतीचे नाव आहे. तर सुनील सुरेश खंडागळे वय २१ रा. मांडकी तालुका वैजापूर असे प्रियकराचे नाव आहे. पोलिसांच्या माहितीनुसार, दिपाली व सुनील यांच्यात प्रेम संबंध होते. गेल्या काही दिवसांपासून दोघांमध्ये खटके उडत होते. गुरुवारी सकाळपासून सुनील वडिलांची दुचाकी घेऊन कन्नडला गेला होता. तिथे तो दिपालीला भेटला. त्यानंतर दुचाकी नाही ते दिवसभर वेगवेगळ्या ठिकाणी फिरत होते. संध्याकाळी दोघे दौलताबाद घाटात आले. यावेळी दोघांमध्ये कडाक्याचे भांडण झाले.
खासगी क्लासमधील वाद; लाकडी दांड्यासह लोखंडी रॉडने घरात घुसून दाम्पत्याला अमानुष मारहाण, पोलिसांसोबतही उद्धटपणा, सर्वेश्वरनगरमधील नेमकं प्रकरण काय ?
यावेळी दिपाली सुनीलला एक लाख रुपयांची मागणी करत होती. पैसे दिले नाही तर बलात्काराचा खोटा गुन्हा दाखल करेल, अशी धमकी देखील देत होती. यामुळे दोघांमध्ये वाद पेटला हात. सुनील चा राग अनावर झाला यावेळी सुनीलने दिपालीच डोकं दगडावर आपटून तिचा खून केला. त्यानंतर मृतदेह थेट घाटात ढकलून देत घटनास्थळावरून पळ काढला.

यानंतर सुनीलने शिऊर थेट पोलीस ठाणे गाठले आणि प्रेयसीचा खून केल्याची कबुली दिली. पोलिसांसमोर त्याने आपला गुन्हा कबूल केला. घटनेचे गांभीर्य लक्षात घेताच सहाय्यक पोलीस निरीक्षक वैभव रणखांब यांनी तात्काळ घटनेची माहिती दौलताबाद पोलिसांना दिली. पोलीस निरीक्षक रेखा लोंढे यांनी कर्मचाऱ्यांना तात्काळ मृतदेह शोधण्यासाठी पथक नेमले. पोलिसांनी मृतदेह शोधून रुग्णालयात दाखल केले. सुनीलवर खुनाचा गुन्हा दाखल करून त्याला अटक करण्यात आली आहे.