जिल्हाधिकारी कार्यालयाने काय म्हटलंय?

जिल्हाधिकारी कार्यालयाच्या आपत्ती व्यवस्थापन शाखेने प्रसिद्ध केलेल्या आदेशात नमूद करण्यात आले आहे की, हवामान खात्याच्या पूर्वसूचनेनुसार भंडारा जिल्ह्यात अतिवृष्टी होण्याची शक्यता आहे. त्यामुळे विद्यार्थ्यांच्या सुरक्षेच्या दृष्टीने २५ जुलै रोजीचा शैक्षणिक दिवस रद्द करण्यात आला आहे. या निर्णयाची काटेकोर अंमलबजावणी शैक्षणिक संस्थांनी करावी, असेही निर्देश दिले आहेत.गेल्या काही दिवसांपासून विदर्भात पावसाचा जोर वाढला आहे. अनेक भागांत पूरसदृश परिस्थिती निर्माण झाली आहे. विशेषतः नदीकाठच्या गावांमध्ये पुराचा धोका अधिक असल्याने प्रशासनाकडून नागरिकांना सावध राहण्याचे आवाहन करण्यात आले आहे. विजेच्या कडकडाटासह वाऱ्याचा वेग वाढण्याची शक्यता वर्तवण्यात आली आहे. नद्या, नाले भरून वाहू शकतात. तसेच शहरी भागात पाणी साचण्याची शक्यता असल्याने आवश्यक खबरदारी घेणे गरजेचे आहे.

प्रशासनाकडून नागरिकांना काळजी घेण्याचं आवाहन

दरम्यान, नागपूर आणि चंद्रपूर जिल्ह्यांत २५ आणि २६ जुलै रोजी ऑरेंज अलर्ट असल्याने, प्रशासनाने नागरिकांना अत्यावश्यक कारणाशिवाय घराबाहेर न पडण्याचे आवाहन केले आहे. आपत्कालीन परिस्थितीत प्रशासन सज्ज असून, नागरिकांनी शासकीय सूचनांचे पालन करून सुरक्षित राहावे, असे जिल्हाधिकाऱ्यांनी स्पष्ट केले आहे.