एकनाथ खडसे म्हणाले, ‘प्रफुल्ल लोढाकडे महाजन आणि रामेश्वर नाईक यांच्या अश्लील गोष्टी असल्याचे त्यावेळी प्रफुल्ल लोढा यांनी सांगितले होते, म्हणून आमची ती भेट होती. प्रफुल्ल लोढा आणि मी एकाच गाडीमध्ये प्रवास केला त्यामुळे आमच्या गप्पा झाल्या. प्रफुल्ल लोढा यांनी मंत्री गिरीश महाजन आणि रामेश्वर नाईक यांची सीडी माझ्याकडे असल्याचे त्यांनी सांगितले होते. तर महाजनांनी तीन महिने मुंबईच्या हॉटेलात लोढाचे पाय चेपले होते.’ खडसेंच्या या दाव्यामुळे आता राजकीय वर्तुळाच्या भुवया उंचावल्या आहेत.

गिरीश महाजनांच्या ट्विटवर प्रहार करत खडसे म्हणाले, महाजनांनी जो फोटो ट्विट केला, बोलका फोटो नाही, बोलका फोटो ट्विट करा जे मी केलं, तेव्हा केलेले आरोप हे प्रफुल्ल लोढांचेच आरोप आहेत, असे खडसे म्हणाले.

जोपर्यंत मी मंत्रीमंडळात होतो तोपर्यंत गिरीश महाजनांना मंत्रीमंडळात स्थान नव्हतं, त्यामुळे ते षडयंत्र करत आहेत. काय केलं महाजनांनी पक्षासाठी? भाजप आता भ्रष्टाचाऱ्यांना पक्षात स्थान देत आहेत. पण जे भाजपसाठी झुंजले त्यांना पक्षात स्थान नाही, अशी टीकाही खडसेंनी केली. तर ‘मी तुमच्यासारखं मुख्यमंत्र्यांच्या मागे फिरत नाही कुठेही लोटांगण घालत नाही. देवा भाऊचे पाय मी चाटत नाही असेही खडसे म्हणाले. तसेच भाजपातून गिरीश महाजन यांच्या वादामुळं मला बाहेर जावं लागलं असा दावाही खडसेंनी केला आहे.