अविनाश सगट १५ जुलै २०२५ रोजी सायंकाळी ५ वाजता वैभव सगट यांच्या घरी मासे घेण्यासाठी गेला होता. त्यावेळी घरात कोणी नसल्याने तो घरात शिरला. विमल निवृत्ती सगट यांनी त्याला पाहताच आरडाओरडा केला. त्यामुळे अविनाश घाबरून पळाला. विमलने हा प्रकार तिच्या पुतण्याला सांगितला.

प्रशांत निवृत्ती सगट याने अविनाशला देवळा ते सारसा रोडवर शोधून काढले आणि तिथे त्याला मारहाण केली. ऋषिकेश खंडू सगट, प्रीतम लाला शिंदे, कुलदीप सुभाष सगट, विजय दशरथ पारवे आणि अमर सुभाष सगट यांनीही त्याला काठ्यांनी मारले. महादेव पिराजी बलाढये यांनी वाद सोडवण्याचा प्रयत्न केला, पण त्यांनाही मारहाण झाली. त्यावेळी गावकऱ्यांनी मध्यस्थी केल्यामुळे पोलिसात तक्रार दाखल झाली नाही.

Pune Crime : पाठलाग करत गाडी आडवी लावली, पुण्यात भरपावसात विवाहितेवर अत्याचार, नवऱ्याने संशय घेत घराबाहेर काढलं दुसऱ्या दिवशी, १६ जुलै रोजी वैभव सगट व ऋषिकेश सगट यांनी अविनाशला जबरदस्तीने बाईकवर बसवून अंजनपूर कोपऱ्याच्या दिशेने नेले. धानोरा (खुर्द) गावाजवळ कॅनलवर त्याला बांबूच्या काठ्यांनी व लाथाबुक्यांनी मारले. त्याच्या शरीरावर मार लागला आणि पोटात गंभीर दुखापत झाली. वैभव सगट याने केशरबाईंना धमकी दिली, “हे काहीच नाही, दोन दिवसांत काय करतो ते बघा.” त्यानंतर अविनाशला दवाखान्यात दाखल केले, पण १७ जुलै रोजी त्याचा मृत्यू झाला.

Sangli Crime : घरामागे कोणीतरी पूजा घातल्याचा संशय, पाटील कुटुंबाचं टोकाचं पाऊल, सासू-सुनेचा मृत्यू, बापलेक गंभीर अविनाशची आई केशरबाई सगट यांनी पोलिसात तक्रार दाखल केली आहे. पोलिसांनी वैभव नामदेव सगट, ऋषिकेश खंडू सगट, प्रीतम लाला शिंदे, कुलदीप सुभाष सगट, प्रशांत निवृत्ती सगट, विजय दशरथ पारवे आणि अमर सुभाष सगट यांच्याविरुद्ध खुनाचा गुन्हा दाखल केला आहे. अंबाजोगाई ग्रामीण पोलीस या प्रकरणाचा तपास करत आहेत.