भाजपचे आमदार योगेश सागर यांनी मंगळवारी या संदर्भातील लक्षवेधी मांडली होती. घाटकोपर मानखुर्द लिंक रोड येथील म्हाडाच्या जागेवर मशिदीचे अनधिकृत बांधकाम, साईनगर धारावी येथे अनधिकृत धार्मिक स्थळ यावरील कारवाईसाठी पाठपुरावा करून कारवाई होत नसल्याची तक्रार स्थानिक नागरिकांकडून प्राप्त होत असते. मात्र कारवाईबाबत विचारणा केली असता पोलिस उपलब्ध होत नाहीत, अधिकारी नाहीत, अशी उत्तरे दिली जातात, असे ते म्हणाली. तर, ज्योती गायकवाड यांनी धारावीतील बेकायदा धार्मिक स्थळांबाबत लोकप्रतिनिधी म्हणून कोणीही तक्रार केलेली नाही. धारावीतील धार्मिक स्थळांबाबत काही मध्यम मार्ग निघतो का याबाबत तेथील नागरिकांशी चर्चा करेन. परंतु विशिष्ट समाजाला लक्ष्य करत कारवाईचा आव आणणे योग्य नाही, असे त्या म्हणाल्या.
Monsoon Session: शेतकरी आत्महत्या वाढल्या, तीन महिन्यात ७३७ मृत्यू, विरोधकांचा विधानसभेत चर्चेसाठी आग्रह
दरम्यान, प्रत्येक धर्मासाठी धार्मिक स्थळ ही श्रद्धेची बाब आहे. बेकायदा धार्मिक स्थळ असेल तर त्यावर शंभर टक्के कारवाई झाली पाहिजे. नवजीवन सोसायटीत एकाच समाजाचे लोक मंदिरासाठी भांडत होते. परंतु मध्यस्थी करून तो वाद मिटवला आणि आज त्याठिकाणी मंदिर कायम आहे. त्यामुळे धार्मिक स्थळांच्या नावाखाली कुठल्या एका धर्माला लक्ष्य करू नये, अशी मागणी काँग्रेसचे आमदार अमिन पटेल यांनी यावेळी सभागृहात केली.

‘वनजमिनीवरील अतिक्रमणावर कारवाई होणार’

वन जमिनीवर अतिक्रमण करून अनधिकृत धार्मिक स्थळ निर्माण केल्या असल्याच्या तक्रारी येत आहेत. अतिक्रमित जमिनींवरील अनधिकृत धार्मिक स्थळ निर्मितीच्या बाबी तपासून अशांवर फौजदारी खटला दाखल करून कारवाई करण्यात येईल, असा इशारा वनमंत्री गणेश नाईक यांनी विधानसभेत लक्षवेधी सूचनेच्या उत्तरात दिला.