पुणे पोलिसांनी दिलेल्या माहितीनुसार, तक्रारदार व्यक्ती माणकेश्वर मंदिराच्या पार्किंग परिसरात असताना एक अनोळखी व्यक्ती त्यांच्याकडे आली. त्याने त्यांच्या वैयक्तिक जीवनातील समस्या दूर करण्यासाठी उपाय सुचवले; तसेच काही जादूचे प्रयोग दाखवले. त्यादरम्यान तक्रारदाराच्या हातातील सोन्याची अंगठी काढायला सांगून ती अंगठी तोंडात टाकून गिळल्याचा बनाव केला. त्यानंतर अंगठी घरी कागदामध्ये प्रकट होईल, असे सांगून ती व्यक्ती तेथून पसार झाली. मात्र, आपली फसवणूक झाल्याचे तरुणाला नंतर समजले. या प्रकारात तक्रारदाराने ६० हजार रुपये किंमतीची अंगठी गमावली असून, पोलिसांनी फसवणुकीचा गुन्हा नोंदवून तपास सुरू केला आहे. उपनिरीक्षक व्ही. डी. पाटील करत आहेत.
Ajit Pawar: महिला अत्याचारातील आरोपींवर मकोका? चाचपणी करण्याचे अजित पवारांचे आदेश

वृद्धेची ५० हजारांची फसवणूक

धान्य वाटपाचे अमिष दाखवून एका ७३ वर्षीय ज्येष्ठ महिलेची सोन्याचे दागिने व रोख रक्कम असा ५० हजारांचा ऐवज घेऊन फसवणूक केल्याचा प्रकार समोर आला आहे. या प्रकरणी दोन अनोळखी व्यक्तीविरोधात फरासखाना पोलिस ठाण्यात गुन्हा दाखल करण्यात आला आहे. ही घटना चार जुलैला सायंकाळी पाच वाजण्याच्या सुमारास गणेश पेठ येथील सुविधा गणेश अपार्टमेंटसमोरील कट्ट्यावर ही घटना घडली. गणेश पेठेतील पांगुळ आळी येथे राहणाऱ्या ७३ वर्षीय महिलेने तक्रार दिली आहे. आरोपींनी महिलेच्या समोर धान्य वाटप सुरू असल्याचे भासवून ‘आम्ही तुम्हाला धान्य मिळवून देतो’ असे सांगत विश्वास संपादन केला. त्यानंतर त्यांनी सोन्याचे दागिने व रोख रक्कम घेऊन तेथून पळ काढला.