पीओपी गणेशमूर्ती विसर्जन संदर्भात न्यायालयाने निर्देश दिले आहेत, या पार्श्वभूमीवर फडणवीस यांच्या अध्यक्षतेखाली पर्यावरणपूरक सण साजरे करण्यासंदर्भात सह्याद्री अतिथीगृहात बैठक झाली. या बैठकीत बोलताना फडणवीस म्हणाले, न्यायालयाच्या निर्देशानुसार राज्य सरकारने राजीव गांधी विज्ञान तंत्रज्ञान आयोगाकडून अहवाल मागविला होता. आयोगाचे अध्यक्ष डॉ. अनिल काकोडकर यांनी हा अहवाल दिला असून त्यात काही शिफारशी करण्यात आल्या होत्या. खोल समुद्रात मोठ्या मूर्तींचे विसर्जन करण्यासंदर्भात अभ्यास करणे आवश्यक आहे. त्याचा अभ्यास करून न्यायालयासमोर बाजू मांडण्यात यावी. तसेच सार्वजनिक गणेश विसर्जनानंतर समुद्रकिनारे स्वच्छ करण्याची काळजी घेण्यासाठी ठोस उपाय आवश्यक आहेत, असेही मुख्यमंत्री देवेंद्र फडणवीस यांनी सांगितले.
बाबांचे नवाबांशी कौटुंबिक नातं, भुमरेंचा काय संबंध? 150 कोटींच्या जमीन गिफ्ट प्रकरणात ड्रायव्हरची प्रतिक्रिया
तर सार्वजनिक गणेशोत्सव प्रथा परंपरेनुसार साजरा व्हावा. उंच आणि मोठ्या गणेशमूर्तींचे विसर्जन करण्यासाठी पर्यावरणपूरक मार्ग काढण्यात यावा. तसेच छोट्या मूर्तींचे विसर्जन कृत्रिम तलावात करण्यात यावे. शाडूच्या तसेच पर्यावरणपूरक सामग्रीचा वापर करून मूर्ती बनविण्यासंदर्भात जनजागृती करणे आवश्यक असल्याचे मत सांस्कृतिक कार्यमंत्री आशीष शेलार यांनी यावेळी व्यक्त केले.
पुढील दोन दिवस महत्त्वाचे! मुंबई, पुणे, दक्षिण कोकणसह राज्याच्या ‘या’ भागात मुसळधार पावसाची शक्यता, IMDचा ॲलर्ट
या बैठकीला मुंबई महापालिका आयुक्त भूषण गगराणी, महाधिवक्ता वीरेंद्र सराफ, मुख्यमंत्र्यांचे सचिव डॉ. श्रीकर परदेशी, पर्यावरण विभागाचे प्रधान सचिव प्रवीण दराडे, मुंबई महापालिकेचे अतिरिक्त आयुक्त अमित सैनी, विधी आणि न्याय विभागाच्या प्रधान सचिव सुवर्णा केवले, प्रदूषण नियंत्रण मंडळाचे प्रभारी सदस्य सचिव रवींद्र आंधळे आदी उपस्थित होते.