Operation Sindoor: नाशिकमध्ये ‘स्कूल ऑफ आर्टिलरी’, ‘डीआरडीओ’, ‘एचएएल’मध्ये युद्ध सरावापासून लढाऊ विमानांची निर्मिती होत असल्याने अधिक सतर्कता घेतली जात आहे.
पोलिस आयुक्तालयाने सन २०२२ मध्येच आयुक्तालयाच्या हद्दीतील प्रमुख संवेदनशील ठिकाणांची यादीच घोषित केली असून, यामध्ये पोलिस, सैन्य दल, वायुदलासह प्रेस आणि मंदिरांचा समावेश आहे. या परिसरासह त्याच्या दोन किलोमीटर हवाई क्षेत्रात ड्रोन, उड्डाणांची साधने वापरण्यास मनाई करण्यात आली आहे. कित्येक वर्षांपासून नाशिक पोलिस आयुक्तालयाच्या हद्दीत पूर्वपरवानगीशिवाय ड्रोन उडविता येत नाही. करोना काळात महाराष्ट्र पोलिस अकादमीच्या आवारात विनापरवानगी ड्रोन उडविण्याचा प्रयत्न झाला होता. त्यावेळी पोलिस यंत्रणेने अधिक सतर्क होत तपास केला, तेव्हापासून ड्रोन वापराच्या निर्बंधांत अधिक वाढ केली आहे. खबरदारी म्हणून नव्याने प्रतिबंधित निर्णय जाहीर झाले आहेत.
Operation Sindoor: पाकिस्तानचा दुटप्पीपणा; २६/११ हल्ल्यातील मास्टरमाइंडचा पुन्हा उल्लेख, कोण आहे साजिद मीर?
२०२२ पासून ‘ॲलर्ट’ मोडवर
मे २०२२ मध्ये पाकिस्तानातून अमली पदार्थांची तस्करी करणारा ड्रोन भारतीय हद्दीत घुसण्याचा प्रयत्न करीत होता. सीमा सुरक्षा दलाच्या जवानांनी तो निकामी केला होता. देशांतर्गत इतर ठिकाणीही दहशतवादी कारवायांचा प्रयत्न झाला होता. तेव्हापासून पोलिस व लष्करी यंत्रणा नाशिकमध्ये अधिक सतर्क झाल्या आहेत. शहर हद्दीत तब्बल २२ अतिसंवेदनशील ठिकाणांजवळ नो ड्रोन फ्लाइंग झोन घोषित आहे. सप्टेंबर २०२२ मध्ये लष्कराच्या परिसरात अज्ञात ड्रोन उडवण्यात आल्याचा धक्कादायक प्रकार नाशिकमध्ये घडला होता. नववा मैल परिसरात डीआरडीओचे कार्यालय आहे. तिथे चौकी क्रमांक दोनजवळ सायंकाळी अज्ञात ड्रोन उडताना दिसला होता. काही क्षणात हा ड्रोन तिथून निघून गेला. या प्रकारणी डीआरडीओच्या कर्मचाऱ्याने पोलिसांत फिर्याद दिली होती. डीआरडीओ कार्यालय क्षेत्रापासून काही किमी अंतरावर एचएएल आणि ओझर विमानतळाचे क्षेत्र आहे. त्याप्रकरणी चौकशी करून पोलिसांनी खासगी ड्रोनचालकावर योग्य कारवाई केल्याचे सांगितले होते. सन २०२२ मध्येच गांधीनगर येथील कॉम्बॅक्ट आर्मी एव्हिएशन ट्रेनिंग स्कूल परिसरात रात्री दहाच्या सुमारास ड्रोन उडविला गेला होता.
Operation Sindoor: राजकीय रंग एकचि झाला! ‘ऑपरेशन सिदूर’ नंतर देशातील सर्वपक्षीय नेते केंद्र सरकारच्या पाठीशी
अतिसंवेदनशील ठिकाणे अशी…
स्कूल ऑफ आर्टिलरी, देवळाली कॅम्प
संरक्षण, संशोधन आणि विकास संस्था, ओझर रोड
वायुदल स्टेशन, बोरगड व देवळाली (साऊथ)
कॉम्बॅक्ट आर्मी एव्हिएशन ट्रेनिंग स्कूल, गांधीनगर
हिंदुस्थान एरॉनॉटिक्स लिमिटेड (एचएएल) व ओझर विमानतळ
इंडिया सिक्युरिटी प्रेस, नाशिकरोड
करन्सी नोट प्रेस, जेलरोड
शासकीय मुद्रणालय, गांधीनगर
औष्णिक ऊर्जा केंद्र, एकलहरे
श्री काळाराम मंदिर, पंचवटी
मध्यवर्ती कारागृह, जेलरोड
महाराष्ट्र पोलिस अकादमी, त्र्यंबकरोड
गुन्हे अन्वेषण प्रशिक्षण विद्यालय, कॉलेजरोड
आकाशवाणी केंद्र, गंगापूररोड
पोलिस मुख्यालय व आयुक्तालय, गंगापूररोड
जिल्हा व सत्र न्यायालय, सीबीएस
स्कूल ऑफ आर्टिलरी, देवळाली कॅम्प
संरक्षण, संशोधन आणि विकास संस्था, ओझर रोड
वायुदल स्टेशन, बोरगड व देवळाली (साऊथ)
कॉम्बॅक्ट आर्मी एव्हिएशन ट्रेनिंग स्कूल, गांधीनगर
हिंदुस्थान एरॉनॉटिक्स लिमिटेड (एचएएल) व ओझर विमानतळ
इंडिया सिक्युरिटी प्रेस, नाशिकरोड
करन्सी नोट प्रेस, जेलरोड
शासकीय मुद्रणालय, गांधीनगर
औष्णिक ऊर्जा केंद्र, एकलहरे
श्री काळाराम मंदिर, पंचवटी
मध्यवर्ती कारागृह, जेलरोड
महाराष्ट्र पोलिस अकादमी, त्र्यंबकरोड
गुन्हे अन्वेषण प्रशिक्षण विद्यालय, कॉलेजरोड
आकाशवाणी केंद्र, गंगापूररोड
पोलिस मुख्यालय व आयुक्तालय, गंगापूररोड
जिल्हा व सत्र न्यायालय, सीबीएस
१९४७ काश्मीर युद्ध ते ‘ऑपरेशन सिंदूर’; जाणून घ्या भारत-पाक संघर्षाचा आतापर्यंतचा इतिहास
…या वापरला मनाई
नाशिक शहराच्या हद्दीत ड्रोन, पॅराग्लायडर्स, पॅरामोटर्स, हॉटएअर बलुन्स, मायक्रोलाइट, एअरक्राफ्टला संवेदनशील क्षेत्रात मनाई आहे. यासह इतर भागात ड्रोन वापरायचा असेल, तर पोलिस आयुक्तालयाची पूर्वपरवानगी आवश्यक आहे. त्यासाठी ड्रोनचालक-मालकांनी कार्यक्रमाच्या ठिकाणाची माहिती अर्जात द्यावी लागते. दिनांक, वेळ, ड्रोनची माहिती, ऑपरेटरचे नाव आणि पत्ता, संपर्क क्रमांक, प्रशिक्षणाची छायांकित प्रत अर्जास जोडण्याचे निर्देश आयुक्तालयाने यापूर्वीच दिले आहेत
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा