HSRP Number Plate: राज्यात एक कोटींपेक्षा जा.स्त वाहनांना सुरक्षा नंबरप्लेट बसवावी लागणार आहे, तर पुण्यात २५ लाख वाहनांना सुरक्षा नंबरप्लेट बसवावी लागणार आहे
परिवहन विभागाने एक एप्रिल २०१९ पूर्वीची नोंदणी असलेल्या वाहनांना सुरक्षा नंबरप्लेट ३० जूनपर्यंत बसविणे अनिवार्य केले आहे. राज्यात एक कोटींपेक्षा जास्त वाहनांना सुरक्षा नंबरप्लेट बसवावी लागणार आहे, तर पुण्यात २५ लाख वाहनांना सुरक्षा नंबरप्लेट बसवावी लागणार आहे. त्यासाठी रोझ मार्टा कंपनीला काम देण्यात आले आहे. मात्र, कंपनीकडून पुरेशी यंत्रणा निर्माण केलेली नाही. त्यामुळे बुकींग करूनही वेळेत नंबरप्लेट बसविण्यात येत नाहीत. नोंदणी करताना दिलेली तारीख उलटली, तरीही सुरक्षा नंबरप्लेट बसविलेल्या नाहीत. त्यामुळे पैसे भरूनही नागरिकांना मनस्ताप सहन करावा लागत आहे.
Eknath Shinde: हीच का उबाठाची देशभक्ती? सर्वपक्षीय बैठकीस अनुपस्थितीवरुन उपमुख्यमंत्री शिंदेंचा सवाल
फिटमेंट सेंटर कमीच
पुण्यात सुरक्षा नंबरप्लेट बसविणे आवश्यक असलेल्या वाहनांची संख्या २५ लाखांच्या पुढे आहे; पण त्या प्रमाणात कंपनीकडून यंत्रणा उभारण्यात आलेली नाही. सुरक्षा नंबरप्लेट बसविण्यासाठी फिटमेंट सेंटर वाढविण्याची सूचना प्रादेशिक परिवहन विभागाकडून (आरटीओ) करण्यात आली होती. मात्र, पुरेशा प्रमाणात फिटमेंट सेंटर वाढलेली नाहीत. काही सेंटर अचानक बंद होत आहेत. नागरिकांना सुरक्षा पाटी बसविण्यासाठी दिवसभर थांबावे लागत आहे.
Eknath Shinde: परवडणाऱ्या घरांची संख्या वाढवा; एकनाथ शिंदेंचे महाहौसिंगला निर्देश
एक लाख २० हजार वाहनांना नंबरप्लेट
पुण्यात २५ लाख वाहनांना सुरक्षा नंबरप्लेट बसवावी लागणार आहे. हे नंबरप्लेट बसविण्याचे काम सुरू होऊन तीन महिने होत आले आहेत. आतापर्यंत फक्त एक लाख २० हजार गाड्यांना नंबरप्लेट बसविणे शक्य झाले आहे. त्यामळे अद्यापि २४ लाख गाड्यांना नंबरप्लेट बसवावी लागणार आहे. अशाच पद्धतीने संथ काम सुरू राहिल्यास सुरक्षा नंबरप्लेट बसविण्यासाठी काही व लागतील. मात्र, परिवहन विभागाने सध्या तरी ३० जून मुदत दिली आहे. त्यामुळे नागरिकांच्या मनात भीती आहे.
लाकूड, कोळसा नकोच! बेकऱ्या, रेस्टॉरंट, भट्ट्यांमध्ये ९ जुलैनंतर वापर न करण्याचे ‘एमपीसीबी’चे निर्देश
३,८३,०५५ –सुरक्षानंबर प्लेटसाठी नोंदणी
२,२३,३४९ –आतापर्यंत सुरक्षा नंबरप्लेट बसवून होणे आवश्यक
१,२०,५८० –सुरक्षा नंबरप्लेट बसविण्याचे काम पूर्ण
सुरक्षा नंबरप्लेट बसविण्यासाठी फेब्रुवारी महिन्यात ऑनलाइन नोंदणी केली होती. त्यासाठी मला २२ मार्च तारीख मिळाली होती. मात्र, अद्याप नंबरप्लेट बसविण्यासाठी कोणीही आलेले नाही. त्यामुळे काय करावे असा प्रश्न आहे. – जयंत देशपांडे, नागरिक
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा