अमरावतीमधील एका कार्यक्रमात उपस्थितांना संबोधित करताना नवनीत राणा म्हणाल्या, ‘आमच्या बहि‍णींना धर्म विचारण्यात आला, त्यांना कलमा वाचायला सांगण्यात आलं. पण त्यांना कलमा वाचता आलं नाही. त्यांच्या डोळ्यासमोर त्यांच्या पतीच्या डोक्यात गोळ्या झाडण्यात आल्या. गोळ्या घेतल्या पण ते कलमा वाचायला तयार झाले नाहीत.’
पहलगाम हल्ल्याबाबत मोठा खुलासा, दहशतवादी कसे आले आणि कुठे गेले?
नवनीत राणांनी पुढे माझा मुलगा लहान आहे, २ वर्षांचा आहे. मी त्याला विचारलं की कलमा (कुराण) वाचणार का? तर त्याने म्हटले, मी कट्टर हिंदुत्ववादी आहे, गोळी खाणार पण मुसलमान होणार नाही, असे उदाहरण हिंदुत्वाचा नारा पुन्हा गिरवल्याचे दिसते.

नवनीत राणांनी धमकीवजा इशारा देत म्हटले की, पाकिस्तानकडे एवढी ताकद नाही की ते भारताकडे डोळे वरती करुन पाहतील. आमच्या देशात एक वाघ बसलाय ज्याचं नाव पंतप्रधान नरेंद्र मोदी आहे. आणि अमित शाह पण इथे बसले आहेत. आता तर फक्त पाणीच बंद केलं आहे, पण उद्या दाणाही बंद केला जाईल. भुट्टो सारख्याला भुट्ट्यासारखं भाजतील, मला मोदीजी, अमित शहा यांच्यावर पूर्ण विश्वास आहे, असा राणांनी आक्रमकपणे म्हटले आहे.