नेमकं काय म्हणाले बावनकुळे ?
सर्वोत्कृष्ट मुख्यमंत्री देवेंद्र फडणवीस आहेत. विकसित महाराष्ट्र संकल्प देवेंद्र फडणवीसांनी केला आहे. देवेंद्र फडणवीस हे 2034 पर्यंत मुख्यमंत्री राहतील. कारण तोपर्यंत विकसित महाराष्ट्र आपल्याला करायचा आहे. जोपर्यंत देवेंद्र फडणवीस मुख्यमंत्री पदावर राहत नाहीत तोपर्यंत विकसित महाराष्ट्र पूर्ण होऊ शकत नाही. त्यामुळे आता देवेंद्रजींनाच आपल्याला पुढे करायचे आहे. एकीकडे मोदीजी आणि दुसरीकडे देवेंद्रजी हे डबल इंजिन सरकारच महाराष्ट्राचे भले करु शकते. आपण सर्वांनी एकत्र येऊन देवेंद्रजींच्या मागे आपण ताकद उभी करुया.

एकनाथ शिंदेंची प्रतिक्रिया
मंत्री बावनकुळे यांच्या या विधानाबद्दल उपमुख्यमंत्री एकनाथ शिंदे यांना विचारले असता त्यांनी हात जोडत शुभेच्छा अशी प्रतिक्रिया दिली. तर शिवसेना शिंदे गटाचे नेते रामदास कदम यांनी प्रतिक्रिया देताना म्हटले की, ते 2080 पर्यंत झाले तरी आमची काय हरकत आहे. आमच्या शुभेच्छा आहेत. बावनकुळेना, देवेंद्रजींना, एकनाथ शिंदेंनाही शुभेच्छा आहेत. आम्ही सर्व एक आहोत कोणी आग लावायचा प्रयत्न केला तरी आमच्यात मतभेद होणार नाहीत.