सोनेगाव परिसरातील समर्थनगरातील एचबी टाऊन येथे राहणाऱ्या नम्रता ठाकरे हिने यूपीएससी परीक्षेत ६७१वा रॅंक मिळविला. नम्रता मूळची अमरावती जिल्ह्यातील वरुड तालुक्यातील हातुर्णा गावची. वडिलांचे कष्ट बघून तिने प्रशासकीय सेवेत जाण्याचा निर्धार केला. मात्र त्यासाठी कोणती परीक्षा द्यावी लागते, याची कुठलीच माहिती तिला नव्हती. नागपूरला विज्ञान शाखेची पदवी प्राप्त केली. आयपीएस अधिकारी विश्वास नांगरे-पाटील यांची भाषणे ऐकून आपणही काहीतरी करू शकतो, याची जिद्द निर्माण झाली. त्यानंतर सुरू झाला यूपीएससीचा अभ्यास. गेली चार वर्षे वर्षे कोणत्याही कार्यक्रमात सहभागी झाले नाही. अभ्यास आणि केवळ अभ्यास हेच ध्येय ठेऊन प्रयत्न केले, असे नम्रताने सांगितले. निकाल आल्यानंतरच कळविले आयएएस बनण्याची खूणगाठ मनाशी बांधली. मात्र हा मार्ग एवढा सोपा नाही हे पुढे लक्षात आले.
ऑटोचालकाच्या लेकीनं यूपीएससीत मारली बाजी; यवतमाळची आदिबा अहमद बनली महाराष्ट्रातील पहिली मुस्लिम महिला IAS
२०२२मध्ये अवघ्या सात गुणांनी संधी हुकली. सहा प्रयत्न आधीच झाले होते. वय वाढत असल्याने कुटुंबाकडूनही लग्नाचा तगादा लावला जात होता. नातेवाइकांचे बोलणेही टोचणी मारल्यासारखे वाटत होते. त्यामुळे २०२३मध्ये पुन्हा यूपीएससीची परीक्षा द्यायची नाही, असे ठरविले. कुटुंबानेही आशा सोडली आणि लग्नासाठी प्रयत्न सुरू झाले. मित्र-मैत्रिणींनी ‘एक प्रयत्न करून बघ’ असा सल्ला दिला. या प्रयत्नाबद्दल वडिलांना सांगितले. मात्र इतर नातेवाइकांपासून हा प्रयत्न लपवून ठेवला.
UPSC CSE Result 2025: शिकवणीशिवाय दिवसातील १५ तास अभ्यास, २२ वर्षीय शिवांशने मारली बाजी! पुण्यातील उमेदवारांचे यश
उगाच ताण येऊ नये, यासाठी केवळ अभ्यासावर लक्ष केंद्रीत केले. मनाची एकाग्रता वाढावी, यासाठी कथ्थक नृत्यही शिकले. या अखेरच्या प्रयत्नात यश मिळाल्याचा आनंद कितीतरी अधिक आहे, अशी भावना नम्रताने व्यक्त केली. वडील अनिल, आई संगीता आणि भाऊ प्रताप यांनी दिलेल्या प्रोत्साहनामुळे मी यशस्वी झाले, असे नम्रताने नम्रतापूर्वक कबुल केले.