येथील कळंब चौकात लहानशा घरात आदिबा राहते. मुलीच्या शिक्षणासाठी वडिलांनी ऑटोरिक्षा विकला होता. आदिबाने पुणे येथे कोचिंग क्लासमधून केंद्रीय लोकसेवा आयोगाची तयारी केली. मुस्लिम समाजातील सेवा फाउंडेशनने तिला बरीच मदत केली. यापूर्वी तिने अंतिम फेरीत प्रवेश करून मुलाखत दिली होती. पण तिची निवड झाली नव्हती. मंगळवारी जाहीर करण्यात आलेल्या निकालात तिने यश मिळविले.
UPSC CSE Result 2025: शिकवणीशिवाय दिवसातील १५ तास अभ्यास, २२ वर्षीय शिवांशने मारली बाजी! पुण्यातील उमेदवारांचे यश
रजत पत्रे याला ३०५वी रॅंक
अमरावती : जिल्ह्यातील धामणगाव रेल्वे येथील रजत श्रीराम पत्रे याने यूपीएससीच्या परीक्षेत उत्तीर्ण होत ३०५वी रैंक मिळविली आहे. आई सुशीला यांच्या अपघाताने सर्व कुटुंब हादरले होते. रजतने या संकटातून सावरत आईच्या तब्येतीची काळजी घेत अभ्यास केला. आपले लक्ष्य गाठून वडिलांचे स्वप्न पूर्ण केले.
UPSC CSE Result 2025: ‘यूपीएससी’ परीक्षेचा निकाल जाहीर, शक्ती दुबे देशात अव्वल तर पुण्याचा अर्चित डोंगरे तिसरा
यूपीएससी परीक्षेत शक्ती दुबे अव्वल
वृत्तसंस्था, नवी दिल्ली : केंद्रीय लोकसेवा आयोगातर्फे (यूपीएससी) घेण्यात येणाऱ्या नागरी सेवा परीक्षा २०२४मध्ये शक्ती दुबे यांनी पहिला क्रमांक मिळवला आहे, तर हर्षिता गोयल आणि अर्चित डोंगरे यांनी अनुक्रमे दुसरा आणि तिसरा क्रमांक मिळवला आहे. यूपीएससीने मंगळवारी निकालांची घोषणा केली. शक्ती दुबे यांनी अलाहाबाद विद्यापीठातून जैवरसायनशास्त्रात बीएससी पदवी प्राप्त केली आहे. त्या राज्यशास्त्र आणि आंतरराष्ट्रीय संबंध या ऐच्छिक विषयासह परीक्षा उत्तीर्ण झाल्या.
गोयल यांनी एमएस बडोदा विद्यापीठातून बीकॉम पदवी प्राप्त केली आहे. त्यांनीही राज्यशास्त्र आणि आंतरराष्ट्रीय संबंध या ऐच्छिक विषयासह परीक्षा दिली. तर डोंगरे हे वेल्लोर इन्स्टिट्यूट ऑफ टेक्नॉलॉजी (व्हीआयटी), तामिळनाडू येथून विद्युत आणि इलेक्ट्रॉनिक्स अभियांत्रिकीमध्ये बीटेक असून त्यांनी तत्त्वज्ञान हा ऐच्छिक विषय निवडला होता, असे यूपीएससीने जाहीर केलेल्या निकालावरून दिसून आले.