काँग्रेसचे आमदार राहिलेल्या आणि विधानसभा निवडणुकीआधी अजित पवारांच्या राष्ट्रवादी काँग्रेसमध्ये गेलेल्या झिशान सिद्दीकी यांना ईमेलद्वारे जीवे मारण्याची धमकी देण्यात आली आहे. झिशान यांच्या पर्सनल ईमेल आयडीवर काही तासांपूर्वी धमकीचा मेल आला. ज्याप्रकारे तुझ्या बापाची हत्या झाली, त्याचप्रकारे तुझी हत्या होणार, असा उल्लेख मेलमध्ये आहे. या ईमेलमधून झिशान यांच्याकडे १० कोटी रुपयांची मागणी करण्यात आली आहे.
ज्याच्यासाठी ठाकरेंनी घेतला पंज्याशी पंगा, तोच नेता साथ सोडणार? शिंदे, अजित पवारांशी चर्चा
धमकीचा मेल आल्याची माहिती झिशान सिद्दीकी यांनी पोलिसांना दिली. त्यानंतर पोलिसांचं पथक त्यांच्या घरी पोहोचलं. पोलीस सध्या सिद्दीकी यांच्याकडून माहिती घेत आहेत. मेल कुठून आला, धमकीचं नेमकं गांभीर्य किती, याचा तपास सध्या पोलीस करत आहेत. विशेष म्हणजे झिशान यांना आलेल्या धमकीच्या मेलमध्ये डी कंपनीचाही उल्लेख आहे. मात्र याबद्दल अधिकृत तपशील अद्याप समोर आलेला नाही.
कडाक्याच्या उन्हात ‘सावली’ दिसली अन् लेकीची कार थांबली; शरद पवार, सुळेंची ‘ती’ भेट चर्चेत
झिशान सिद्दीकी यांच्या हत्या प्रकरणात लॉरेन्स बिश्नोईचं नाव जोडलं गेलं. ते चुकीचं आहे. पैसे देण्यास तयार असाल, तर तुम्हाला जागा सांगितली जाईल, असं सिद्दीकी यांना पाठवण्यात आलेल्या ई-मेलमध्ये नमूद करण्यात आलं आहे. मेल पाठवणाऱ्या व्यक्तीबद्दल अद्याप तरी कोणतीही माहिती समोर आलेली नाही. सध्या वांद्रे पोलिसांचं पथक झिशान यांच्या घरी असून त्यांच्याकडून माहिती घेतली जात आहे.

गेल्या वर्षी १२ ऑक्टोबरच्या रात्री झिशान सिद्दीकी यांचे वडील आणि माजी मंत्री बाबा सिद्दीकी यांची गोळ्या झाडून हत्या करण्यात आली. झिशान यांच्या कार्यालयाबाहेरच बाबा सिद्दीकी यांच्यावर गोळीबार झाला. तीन हल्लेखोरांनी ही हत्या घडवून आणली.