Neurosurgeon Dr. Shirish Valsangkar Last Note found : सोलापुरात डॉ. शिरीष वळसंगकर यांच्या आत्महत्येप्रकरणी मोठी अपडेट समोर आली आहे. त्यांच्या हॉस्पिटलमध्ये काम करणाऱ्या मनीषा मुसळे उर्फ मनीषा माने या महिलेला सदर बाजार पोलिसांनी अटक केली आहे. डॉ.वळसंगकर यांना धमकी देऊन खोटे आरोप केल्यामुळे त्यांनी आत्महत्या केली, असा आरोप त्यांच्या मुलाने केला आहे. त्यामुळे पोलिसांनी तात्काळ कारवाई करत संशयित आरोपी महिलेला अटक केली आहे.
डॉ. अश्विन वळसंगकर यांनी तक्रार दाखल केली-
सदर बाजार पोलीस ठाण्यात दाखल झालेल्या नोंदीप्रमाणे फिर्यादी डॉ. अश्विन यांनी आरोपी महिलेस वेळोवेळी सहकार्य करून देखील संशयीत आरोपी मनीषा मुसळे उर्फ मनीषा मानें फिर्यादींवर खोटे आरोप करून धमकी देत होती. डॉ शिरीष वळसंगकर यांनी या महिलेच्या त्रासाला कंटाळून राहत्या घरी स्वतःच्या बेडरूम मधील अटॅच असलेल्या बाथरूम मध्ये स्वतःच्या परवाना असलेल्या पिस्टल मधून कानशील मध्ये गोळी घालून आत्महत्या केली आहे. मनीषा मानें उर्फ मनीषा मुसळे याच्या मुळे डॉ शिरीष वळसंगकर यांनी आत्महत्या केली.अशी तक्रार डॉ अश्विन वळसंगकर यांनी दिली आहे.
संशयीत महिलेस अटक
डाॅ.अश्विनी शिरिष वळसंगकर यांनी सदर बझार पोलिस ठाण्यात फिर्याद दाखल केली आहे. डॉ अश्विन यांच्या फिर्यादीवरून मनिषा महेश मुसळे माने या महिलेस काल रात्री अटक करण्यात आली असुन थोड्याच वेळात न्यायालयात हजर करण्यात येणार असल्याची माहिती मिळत आहे. सदरची महिला ही वारंवार डाॅ.शिरिष वळसंगकर यांना जाळुन घेऊन आत्महत्या करणार अशी धमकी देत दबाव टाकत होती याच कारणावरून डाॅ.शिरिष वळसंगकर यांनी स्वतःच्या बंदुकीतुन गोळी झाडून आत्महत्या केली असल्याचे संशय निर्माण झाला आहे. पोलिस तपासातुन आणखी बरंच काही उघड होईल.