वाल्मिक कराडवर गुन्हा दाखल झाल्यानंतर भाजपाचे आमदार सुरेश धस हे धनंजय मुंडे यांना टार्गेट करताना दिसले. फक्त धनंजय मुंडेच नाही तर त्यांनी पंकजा मुंडे यांच्यावरही टीका केली. पंकजा मुंडे यांच्यावर मागील काही दिवसांपासून सतत टीका करताना सुरेश धस हे दिसत आहेत. पंकजा मुंडे यांनी सुरूवातीला सुरेश धस यांच्या टीकेकडे दुर्लक्ष केले. मात्र, त्यानंतर त्यांनी म्हटले की, मी पक्षाची राष्ट्रीय नेता असूनही ते माझ्यावर टीका करतात. मी त्यांची तक्रार राष्ट्रीय नेत्यांकडे करेल.
बाबासाहेब आगे हत्या प्रकरणाला वेगळे वळण, आरोपीच्या पत्नीचा मोठा खुलासा, त्याने माझ्यावर…पंकजा मुंडे यांनी राष्ट्रीय नेत्यांकडे सुरेश धस यांची तक्रार करणार म्हटल्यावर सुरेश धस यांनी म्हटले होते की, मी देखील त्यांची तक्रार करणार. विधानसभा निवडणुकीमध्ये त्यांनी भाजपाचे काम न करता अपक्ष उमेदवाराचे केले म्हणून आष्टीत. सुरेश धस हे एकीकडे पंकजा मुंडे यांच्यावर टीका करताना तर दुसरीकडे ते पंकजा मुंडे यांचे गुलाबाचे फुल देऊन स्वागत करताना नुकताच बीडच्या शिरूरमध्ये दिसले.

देवेंद्र फडणवीस, पंकजा मुंडे हे गहिनीनाथ गडाच्या सप्ताहासाठी गडावर पोहोचले होते. यावेळी गडावर पोहोचल्यानंतर आमदार सुरेश धस यांनी पंकजा मुंडेंचे फुल देऊन स्वागत केले. यावेळीचाच फोटो आता सोशल मीडियावर व्हायरल होताना दिसतोय. हा फोटो पाहून अनेकांनी सुरेश धस यांना टार्गेट केल्याचेही बघायला मिळतंय. सोशल मीडियावर या फोटोवर मोठ्या प्रमाणात कमेंट केल्या जात आहेत.