वोल्वो कंपनीच्या बसला मोठी आग

दुपारी बाराच्या अंदाजात साताऱ्याहून पुण्याकडे निघालेल्या Volvo Company च्या बसला मोठी आग लागली. आग लागल्याचे समजताच चालकाने वेळीच प्रसंगावधान दाखवून बस रस्त्याच्या बाजूला घेतली. त्यादरम्यानच आग लागल्याचे कळताच काही प्रवाशांनी बसमधून उड्या घेतल्या. त्यानंतर प्रवाशांना बसमधून सुरक्षेत बाहेरही काढण्यात आले. यामुळे मोठी दुर्घटना टळली. बस अगदी काही वेळातच जळून खाक झाली. बसला लागलेल्या आगीचा धूर पाहून लोकांनी घटनास्थळी धाव घेतली.
Pune News : पुणे-पिंपरीला जोडणाऱ्या बालेवाडी वाकड पुलाबाबत मोठी अपडेट, मुंबई उच्च न्यायालयाचा महापालिकेला महत्त्वाचा आदेश
पुणे सातारा हायवेवर बसच्या आगीमुळे वाहतूक ठप्प

स्थानिक नागरिकांनी आणि रस्त्यावरून ये-जा करणाऱ्यांनी ही आग आटोक्यात आणण्याचा प्रयत्न केला. मात्र, आग पसरल्याने त्यांना आग विझवण्यात यश मिळाले नाही आणि संपूर्ण बस जळून खाक झाली. बस पेटल्याने महामार्गावर धुराचे लोट दिसत होती. ही बस साताऱ्याहून पुण्याच्या दिशेने जात असताना ही आग लागली. आगीची घटना घडल्यानंतर काहीकाळ महामार्गावर वाहतूक कोडीं निर्माण झाली.

चालकाच्या सतर्कमुळे टळला मोठा अनर्थ

आगीत कोंडुस्कर या खाजगी कंपनीची वोल्वो बस संपूर्ण जळून खाक झाली. मात्र, आग नेमकी कशाने लागली याचे कारण अजून कळू शकले नाहीये. भर दुपारी बाराच्या दरम्यानच ही आग लागली. ज्यावेळी ही आगीची घटना घडली, त्यावेळी काही प्रवासी हे बसमध्ये होते. आग लागल्याचा अंदाज चालकाला आला आणि त्याने अजिबात वेळ वाया न घालता त्याने बस अगोदर रस्त्याच्या बाजूला लावली.