Laxman Hake On Dhananjay Munde -धनंजय मुंडे यांना जाणीवपूर्वक टार्गेट केलं होतं असे म्हणत लक्ष्म हाके यांनी मोठे विधान केले आहे. बीड शिरुर तालुक्यातील पिंपळनेर येथील श्रीक्षेत्र भगवानगडाच्या नारळी सप्ताह प्रसंगी उपस्थित झाले असता माध्यम अशी बोलताना त्यांनी प्रतिक्रिया दिली.
ते पुढे म्हणाले, महाराष्ट्रात कित्येक दिवसापासून बीड चे हे वेगळं रूप आहे त्यामुळे महाराष्ट्रामध्ये जे मीडिया ट्रायलच्या माध्यमातून ज्या काही गोष्टी घडल्या त्या दुर्दैवी होत्या.आज हा भक्तीचा जनसागर बघितल्यानंतर खरं तर हा बीड जिल्हा हा विचार ही माणसं महाराष्ट्राचा पटलावर पुढे गेली पाहिजेत असं मला वाटतं. बीड जिल्ह्यात हे अध्यात्म स्वरूपही महाराष्ट्राला दाखवा.ही जनभावना आहे ही समजून घेतले पाहिजे. महाराष्ट्राला सुद्धा कळली पाहिजे. ज्याने ज्याने जातिवाद केला राजकीय भावनेतून त्यांनीच बीड जिल्ह्याची बदनामी केली.बीड जिल्ह्याचे भक्तिमय स्वरूप महाराष्ट्राला कळू द्या.
बीड जिल्ह्याच्या बदनामीवर बोलताना ते म्हणाले की, बीड जिल्ह्याची तुलना बिहारबरोबर केली गेली. बीड म्हणजे गुन्हेगारी असे जे समीकरण आहे. या समीकरणाला लाखो लोकांनी इथे आपल्या उपस्थितीमधून आपल्या आचरणातून दाखवून दिलेले आहे. त्यामुळे कृपया महाराष्ट्रातील बीड जिल्ह्याची बदनामी थांबवा.
मुंडे समर्थकांकडून स्वागताची जय्यत तयारी
श्रीक्षेत्र भगवानगडाच्या नारळी सप्ताहाच्या समारोप प्रसंगी माजी मंत्री आमदार धनंजय मुंडे उपस्थिती लावणार असल्याने मुंडे समर्थकांकडून स्वागताची जयत तयारी करण्यात आली आहे. तर जागोजागी मोठमोठे फ्लेक्स आणि बॅनर लावले आहेत. मंत्री पदाचा राजीनामा दिल्यानंतर पहिल्यांदाच धनंजय मुंडे हे सार्वजनिक कार्यक्रमांमध्ये सहभागी होत आहेत. अध्यात्माच्या व्यासपीठावरून धनंजय मुंडे काय बोलणार याकडे सर्वांचे लक्ष लागले आहे. या सोहळ्यात सुरेश धस आणि धनंजय मुंडे यांची भेट होण्याची शक्यताही वर्तवण्यात आली होती.