ढाळे पिपळगाव तलावात पडून दोघांचा मृत्यू झाल्याची माहिती पोलिसांना मिळाली. पोलिसांना सुरूवातीलाच संशय आला. पोलिसांनी या प्रकरणाचा तपास सुरू केला आणि धक्कादायक माहिती पुढे आली. मयत गणेश अनिल सपाटे आणि रूपाली शंकर पटाडे यांच्याविरोधात पोलिसांनी खुनाचा गुन्हा दाखल केलाय. प्रियकर गणेश सपाटे आणि रूपाली शंकर पटाडे यांनीच मिळून शंकर पटाडे यांच्या हत्येचा प्लॅन आखला. हे प्रकरण तसे जुनेच आहे.

रूपाली पटाडे आणि शंकर पटाडे यांचे लव्ह मॅरेज होते. दोघांच्या आयुष्यात सर्वकाही व्यवस्थित सुरू होते. मात्र, गणेश याचे रूपालीच्या आयुष्यात आगमन झाले आणि लव्ह मॅरेज केल्यानंतरही ती दुसऱ्यांदा प्रेमात पडली. रूपाली ही घरकाम करत होती. यादरम्यानच तिची ओळख गणेशसोबत झाली. रूपाली आणि गणेशचे नैतिक संबंध सुरु झाले आणि याची कुणकुण तिचा पती शंकर याला लागली. त्याने गणेशपासून दूर राहण्याची रूपालीला बजावून सांगितले.
Pune News : …तर पोरी, शेतकरी पोराशी लग्न कर! जगतापांची कविता व्हायरल, पुण्याच्या तरुणीचं मन परिवर्तन, आता म्हणते…रूपालीला गणेशला सोडणे शक्य होत नव्हते आणि दुसरीकडे नवरा देखील तिच्यावर दबाव टाकत होता. गणेश आणि रूपालीने मिळून योजना आखली आणि गणेशला कायमचे रस्त्यातून काढून टाकण्याचे ठरवले. 18 फेब्रुवारी 2025 ला शंकरला हॉटेलमध्ये नेण्यात आले आणि त्याला भरपूर दारू पाजण्यात आली. गणेशने धाराशिवला जाऊ म्हणत त्याला नेले आणि मध्यरात्रीच पुलावर थांबून डान्स करण्यास दोघांनी सुरूवात केली.

ठरल्याप्रमाणे गणेशने शंकरला आपल्या खांद्यावर उचलून घेतले आणि डान्स करण्यास सुरूवात केली. यादरम्यान गणेशने शंकरला थेट पुलावरून खाली फेकले. मात्र, शंकरने गणेशला जोरात मिठी मारली. अनेक प्रयत्न करूनही गणेश स्वत:ची सुटका करू शकला नाही आणि दोघांचाही मृत्यू झाला. रूपालीवर पोलिसांना संशय आला आणि त्यांनी अधिकची चाैकशी करताच संपूर्ण भांडाफोड झाली.