अंबादास दानवे यांच्या बद्दल बोलताना खैरे यांनी सडकुन टीका केली. चंद्रकांत खैरे म्हणाले,उद्धव ठाकरेंसमोर वाद मिटला असताना नंतर तो कधीच माझ्यासोबत बोलला नाही.अंबादास दानवे माझा अपमान का करतात? हे माहित नाही.त्यांना काय राग आहे माहित नाही. मात्र याच चंद्रकांत खैरे यांनी दानवेंना मोठे केलं अस देखील खैरे म्हणाले.दानवेंना अचानक धनलाभ झाल्याने त्यांना घमंड आली अशी टीका मंत्री संजय शिरसाठ यांनी केली.त्यावर खैरे म्हणाले शिरसाट- दानवे या दोघांनाही धनलाभ झाला आहे. त्यापेक्षा पक्ष चालवणे टिकवणे हा गुणधर्म पाहिजे. मात्र हा गुणधर्म नाही.धनलाभ तुम्हाला दिसतोच आहे. त्यांच्या नशिबात आहे. आमच्या नशिबात नाहीये. आमच्या नशिबात जे आले की आम्ही जनतेसाठी धर्मासाठी खर्च केला आहे. ज्यांच्या नशिबात असेल त्यांना मिळतं परमेश्वर त्यांना देतो. परमेश्वर आम्हाला देत नसेल त्यामुळे आम्ही शांत राहतो अस चंद्रकांत खैरे म्हणाले.

राजू शिंदे आमच्या संघटनेवर ब्लॅकमेलिंग केली…
मी निवडणुकीपूर्वी मी सांगत होतो राजू शिंदे पक्षात टिकणार नाही. विधानसभा निवडणुकीत राजू शिंदेसाठी मी स्वतः अडीच हजार लोकांना फोन केले. त्यावेळी त्याचे लोक माझ्यासोबत बसले होते.मात्र तो म्हणतो मी प्रचार केला नाही.मात्र मी त्याचा प्रचार केला आणि प्रचाराचे माझ्याकडे रेकॉर्ड आहे. राजू शिंदे आमच्या संघटनेवर खूप ब्लॅकमेलिंग केली आहे असा आरोप चंद्रकांत खैरे यांनी केला आहे.

उमेदवार आवडला नसला तरी मी पक्षाचा आदेशामुळे काम केलं….खैरेंनी माझ्यासाठी काम केलं असं संजय शिरसाट म्हणाले होते.त्यावर खैरे म्हणाले मी शिरसाटला का मदत करू, मला आमच्या पक्षाचा उमेदवार आवडत नसला तरी मी पक्षाचा आदेश म्हणून काम करतो. आपली नसलेल्या लोकांना वर करतात आणि आपल्या लोकांना बाजूला केले आहे. माझ्या मुलासाठी मी विधानसभेचे तिकीट मागितले नाही मी बाळासाहेब गायकवाड त्याच्यासाठी तिकीट मागितलं होतं अस देखील खैरे म्हणाले.मी शिवसेनाप्रमुख बाळासाहेब ठाकरे यांचा कडवट शिवसैनिक आहे. बाळासाहेबांनी मला खूप मोठं केलं.मी त्यांना का सोडणार? मी हे पाप कधीच करणार नाही. मला काही मिळो ना मिळो मात्र मी मरेपर्यंत ठाकरेंसोबत राहणार अस खैरे म्हणाले.