बार्शी शहरातील एका विवाहित महिलेचा तिच्या पतीसह तीन जणांनी छळ केला. त्यांनी या महिलेचं जबरदस्तीने मुंडण करत तिला शारीरिक आणि मानसिक त्रास देखील दिला असल्याची घटना समोर आली आहे.
नणंदेच आणि मेहवण्याच अनैतिक संबंधातून वादाची ठिणगी
पीडित महिलेनं दिलेल्या माहितीनुसार, ‘या’ महिलेचे २०१६ साली लग्न झाले. सुरुवातीला सर्व काही सुरळीत सुरु होतं. पण, नंतर तिला तिची नणंद आणि पीडितेच्या सख्खा बहिणीचा नवरा यांच्यात अफेयर असल्याची माहिती समजली.यावरून पती-पत्नीच्या नात्यात वादाची ठिणगी पडली. हा प्रकार पीडित विवाहित महिलेने नवऱ्याला सांगितला. त्यांनी त्याकडं दुर्लक्ष केलं.घरातील वादाला कंटाळून आपण काही काळ पुण्यात राहायला गेले होते. नवऱ्यानं आपली समजूत घालून परत घरी आणलं. काही काळ सर्व सुरळीत सुरु होतं. पण, आपण केलेल्या तक्रारीचा राग नवरा, नणंद आणि मेव्हण्याच्या मनात होता, असा आरोप पीडित महिलेनं केला.
मुंडण केले अन् भुवया काढून विद्रुपीकरण केलं
८ मार्च २०२५ रोजी पती, नणंद आणि सख्खा बहिणीचा नवरा एकत्र येत पीडित महिलेला बेदम मारहाण करण्यात आली. बहिणीच्या नवऱ्याने गळा दाबण्याचा प्रयत्न केला. नणंदेने केस ओढले आणि पतीने लाथाबुक्यांनी मारहाण करत चारित्र्यावर संशय घेतला. त्यानंतर पतीने रागाच्या भरात तिच्या भुवयांवरून ट्रिमर फिरवत चेहरा विद्रुप केला आणि जबरदस्तीने मुंडण करण्यास भाग पाडले,’ असा गंभीर आरोप पीडित महिलेनं केला आहे.
ठार मारण्याची धमकी दिलीपीडित महिलेला मारहाण करून तिचे मुंडण करून त्याला जीवे ठार मारण्याची धमकी दिली. प्रकरणाची कुठं तक्रार केली तर मला आणि कुटुंबीयांना जीवे मारण्याची धमकी दिली होती. धमकीमुळे आपण काही काळ गप्प होतं. पण, हा त्रास असह्य झाल्यानं बहिणीच्या घरी धाव घेतली. त्यानंतर बार्शी पोलीस स्टेशनमध्ये याबाबत तक्रार केली आहे, अशी माहिती पीडितेनं दिली आहे.पोलिसांनी दिलेल्या माहितीनुसार, पती, नणंद आणि बहिणीच्या नवऱ्याविरोधात विविध कलमांखाली गुन्हा दाखल करण्यात आला असून पुढील तपास सुरू आहे. या घटनेने संपूर्ण बार्शी शहरात खळबळ उडाली आहे.