प्रकरण नेमकं काय?

ठाण्यातील भिवंडी येथील एक व्हिडिओ सोशल मीडियावर व्हायरल होत आहे. या व्हिडिओमध्ये दिसते की, दोन कुटुंबामध्ये कडाक्याचे भांडण लागले आहे. कुटुंबातील सदस्य एकमेकांशी भिडल्याचे दिसतात. त्यानंतर अचानक छप्पर तुटते आणि सर्व लोक खाली पडतात. या घटनेचा व्हिडिओ पाहिल्यानंतर लोक सोशल मीडियावर हास्यास्पद कमेंट करत आहेत. एका शिवीमुळे हे कडाक्याचे भांडण लागले होते. यानंतर वाद पेटला, ज्याचे रुपांतर नंतर मारामारीत झाले.

या व्हिडिओमधील भांडणामागील कारण मोबाईलवर दिलेला शिवीगाळ होता. महिलेने मोबाईल फोनवरून कुटुंबातील दुसऱ्या सदस्याला शिवीगाळ केली. यानंतर वाद सुरू झाला, ज्याचे रूपांतर हाणामारीत झाले. दोन्ही कुटुंबातील लोक भांडता भांडता टेरेसवर पोहोचले. आणि इतक्यात छत कोसळले. छत तुटताच सर्वजण खाली पडले.

वृत्तानुसार, या प्रकरणात छत कोसळल्याने भांडण केलेल्या कुटुंबांकडून भरपाई घेण्यात आली आहे. ज्या घराचे छत कोसळले होते त्या घरात काही कामगार राहत होते. दोन्ही पक्षांमध्ये समझौता झाल्यानंतर, पोलिसात कोणताही एफआयआर दाखल करण्यात आला नाही. या व्हायरल व्हिडिओतील मजेदार गोष्ट म्हणजे दोन्ही कुटुंबांनी मिळून नुकसान भरपाई दिली आहे. भिवंडीतील भोईवाडा पोलिस ठाण्या अंतर्गत येणाऱ्या परिसरात ही घटना घडली. ते देवनगर म्हणून ओळखले जाते.