एका आईने आपल्या बाळांना जन्म देण्यासाठी नऊ महिने वाट पाहिली… प्रसूतीच्या कळा सुरू झाल्यावर त्या महिलेस पुण्यातील दीनानाथ मंगेशकर रुग्णालयात आणलं गेलं. हातात असलेले अडीच लाख भरायला तयार असतानाही महिलेला दाखल करून घ्यायलाही रुग्णालय प्रशासनाने नकार दिला. कारण काय? उपचारांसाठी दहा लाख रुपये भरा नाहीतर उपचार नाही! एका मातेच्या जीवापेक्षा रुग्णालयाला पैसे जास्त महत्त्वाचे ठरले! आईने दोन जुळ्या मुलांना जन्म दिला पण प्रशासनाच्या हलगर्जीपणामुळे होत्याचं नव्हतं झालं आणि आईचा मृत्यू झाला. तनिषा सुशांत भिसे असे जीव गेलेल्या महिलेचे नाव आहे. या मातेला पैशांअभावी रुग्णालयाने वाचवलं नाही! तिचे पती सुशांत भिसे भाजप आमदार अमित गोरखे यांचे स्वीय सहाय्यक आहेत. सत्ता, ओळख, फोनवर फोन झाले… मुख्यमंत्री वैद्यकीय सहाय्यता कक्षातूनही आदेश गेला, तरीही दीनानाथ हॉस्पिटल हललं नाही… परिणामी गर्भवती महिलेने दोन गोंडस जुळ्या मुलांना जन्म दिला पण त्यांना पाहण्याआधीची तिने या जगाचा निरोप घेतला… माणुसकीला पैशांच्या तोलावर तोलणाऱ्या व्यवस्थेने एका नवजात जुळ्या बाळांच्या डोक्यावर आईचा हात उरु दिला नाही!