कोरोना मुळे कनिष्ठ दिवाणी न्यायाधीश व न्याय दंडाधिकारी प्रथम वर्ग परीक्षा २०२२ ची परीक्षा लांबणीवर पडली होती कोरोना नंतर ९ सप्टेंबर २०२३ रोजी पूर्ण परीक्षा झाली होती. २४ ऑगस्ट २०२४ रोजी मुख्य परीक्षा घेण्यात आली होती. यातील ३४३ उमेदवारांची मुलाखतीसाठी निवड झाली, १७ ते २९ मार्च या काळात मुलाखती पार पडल्या. परीक्षेचा अंतिम निकाल जाहीर झाला असून ११४ जणांची दिवाणी न्यायाधीश कनिष्ठ स्तर व न्यायदंडाधिकारी प्रथम वर्ग पदासाठी निवड करण्यात आली आहे.

पहिल्या १० टॉपर्स मध्ये नऊ मुलीअसून हे या निकालाचे वैशिष्ट्य
पहिल्या दहा टॉपर्स मध्ये नऊ मुली असून बीडची ऋचा विठ्ठल कुलकर्णी हिने पहिल्याच प्रयत्नात मोठे यश मिळविले. ऋचा कुलकर्णी राज्यात पहिली आली आहे. सायली संपत झांबरे हिने द्वितीय तर किरण संभाजी मुळीक हिने तिसरा क्रमांक पटकाविला आहे. त्यानंतर शिवानी रामनाथ फाडोळ, तन्वी रहमान शेख, सोनियाअविनाश गंडले, तनुजा रमेश कुसारे, सुवर्णा विनायक शास्त्री, वंदना अरविंद चामले, किरण शांताप्रसाद वर्मा, विपुल एकनाथ गुंजाळ, अनिकेत लिंबा राव कोकरे आदींची निवड झाली आहे.

तीन जीवलग मित्र बनले न्यायाधीशमहाराष्ट्र लोकसेवा आयोगाच्या माध्यमातून घेण्यात आलेल्या न्यायाधीश पदाच्या परीक्षेत शिरूरच्या तीन जीवलग मित्रांची अनोखी यशोगाथा समोर आली आहे. शिरूर तालुक्यातील ॲड. सागर नळकांडे,ॲड. शुभम कराळे आणि ॲड. अक्षय ताठे या तीन जीवलग मित्रांनी महाराष्ट्र लोकसेवा आयोगाच्या प्रथमवर्ग न्यायदंडाधिकारी पदाच्या परीक्षेत यश मिळवले असून, तिघांचीही न्यायाधीश म्हणून निवड झाली आहे. न्यायाधीश होण्यासाठी तिघानी एकत्रित अभ्यास केला होता. तसेच हे तीघेही एकत्रित वकिलीही करत होते.