PM Modi Successor: पंतप्रधान नरेंद्र मोदी यांनी कालच नागपूर दौरा करत राष्ट्रीय स्वयंसेवक संघाच्या मुख्यालयाला भेट दिली. त्यानंतर त्यांच्या निवृत्तीची चर्चा जोर धरु लागली आहे. या चर्चांमध्ये तथ्य नसल्याचं संघातील सुत्रांकडून सांगण्यात येत आहे.
नरेंद्र मोदींनी २६ मे २०१४ रोजी पंतप्रधानपदाची धुरा पहिल्यांदा हाती घेतली. त्याआधी जुलै २०१३ मध्ये ते संघ मुख्यालयात गेले होते. मोदींच्या संघ मुख्यालयातील भेटीत राजकीय चर्चा झाली नसल्याचा दावा संघ मुख्यालयाच्या जवळच्या सुत्रांनी केला. मोदींची भेट औपचारिक असल्याचं सांगण्यात आलं. मोदींनी संघाचे संस्थापक डॉ. केशव बळीराम हेडगेवार यांना आदरांजली वाहिली. या भेटीत मोदींनी संघाच्या कामाचं तोंडभरुन कौतुक केलं.
संघ आणि भाजपच्या संबंधांबद्दल गेल्या अनेक महिन्यांपासून सातत्यानं नकारात्मक चर्चा सुरु आहे. त्या चर्चांना उत्तर म्हणून मोदी संघ मुख्यालयात गेले होते, अशी माहिती सुत्रांनी दिली. पंतप्रधान मोदींचा उत्तराधिकारी कोण, असा प्रश्न विचारला असता, तो जो कोणी असेल, तो संघाची पार्श्वभूमी असलेला असेल, असं उत्तर देण्यात आलं.
Santosh Deshmukh Murder Case: ‘ती’ ५ नावं वापरायची, महिलेच्या बॉडीचं जागीच PM; देशमुख प्रकरणात दमानियांची खळबळजनक पोस्ट
संघाची नजर कोणावर?
पंतप्रधान मोदींचे उत्तराधिकारी म्हणून योगी आदित्यनाथ यांच्या नावाची चर्चा होते. पण ते संघाचे नाहीत, असं संघातील सुत्रांनी सांगितलं. मोदींचा उत्तराधिकारी शोधण्याआधी संघासमोर भाजपचा अध्यक्ष कोण होणार, हा प्रश्न आहे. मोदींच्या नेतृत्त्वात होणाऱ्या पुढील निवडणुकीला अद्याप ४ वर्षे आहेत. त्यामुळे अशा परिस्थितीत संघ मोदींना पर्याय शोधत असल्याचं म्हणणं योग्य होणार नाही, असं सुत्रांनी सांगितलं.
नरेंद्र मोदी त्यांचा कार्यकाळ पूर्ण करतील, असं गृहमंत्री अमित शहांनी संसदेत सांगितलं आहे. संघानं मोदींचा उत्तराधिकारी निवडल्यास त्यात मुख्यमंत्री देवेंद्र फडणवीस आघाडीवर असू शकतात. ते तिसऱ्यांदा मुख्यमंत्री झालेले आहेत. राज्यात त्यांच्याच नेतृत्त्वात भाजपनं पहिल्यांदा १२५ चा आकडा ओलांडला आहे. फडणवीसांची पार्श्वभूमी संघाची आहे. ते संघाच्या अतिशय जवळचे आहेत. लोकसभा निवडणुकीत महायुतीला जबर फटका बसल्यानंतर त्यांनीच संघाच्या नेत्यांच्या बैठका घेतल्या. त्यामुळेच विधानसभेला संघ सक्रिय झाला.
सर्वांची काळजी घे! विद्यार्थ्याचा आईला मेसेज; पाचव्या मजल्यावरुन उडी, वाढदिवशीच जीवनाची अखेर
संघ आणि त्यांच्याशी संबंधित संघटनांवर प्रदिर्घ काळापासून लिखाण करणारे राजकीय विश्लेषक दयानंद नेनेंनी मोदींच्या संघ मुख्यालयातील भेटीतील फोटोंकडे लक्ष वेधलं. ‘मोदींच्या संघ मुख्यालयातील भेटीवेळी कोण कुठे उभं होतं? मोदींचा उत्तराधिकारी कोण, याचे संकेत त्यातून मिळतात. संघ फडणवीसांना दिल्लीला पाठवू शकतो. २०२९ मध्ये लोकसभेनंतर महाराष्ट्रात विधानसभा निवडणूक होईल. त्याला अजून बराच वेळ आहे. पण फडणवीस हे मोदींचे उत्तराधिकारी म्हणून फिट बसतात,’ असं विश्लेषण नेनेंनी केलं.
लेखकाबद्दलकुणाल गवाणकरमहाराष्ट्र टाईम्स ऑनलाईनमध्ये सिनियर डिजिटिल कंटेट प्रोड्युसर म्हणून कार्यरत. ११ वर्षांपूर्वी वृत्तपत्रातून पत्रकारितेची सुरुवात. सकाळ, जय महाराष्ट्र, टीव्ही ९ मराठी, लोकसत्ता ऑनलाईन, न्यूज१८ लोकमत, लोकमत ऑनलाईनमधून प्रवास करत मटा ऑनलाईनपर्यंत वाटचाल; क्राईमच्या बातम्यांमध्ये हातखंडा; राजकीय, निवडणूक विषयक बातम्यांमध्ये रस.… आणखी वाचा