ओझर विमानतळावरून सध्या ‘इंडिगो’ कडून नवी दिल्ली, अहमदाबाद, हैदराबाद, गोवा, इंदूर, बेंगळुरू आदी शहरांसाठी विमानसेवा दिली जाते. त्यात दि. २ एप्रिलपासून कोइम्बतूरची भर पडणार आहे. कोइम्बतूर हे देशातील महत्त्वाचे औद्योगिक शहर असून, ते ऑटोमोबाइल, फाउंड्री, कापड, दागिने, आयटी उद्योगांसाठी प्रसिद्ध आहे. देशातील महत्त्वाच्या वाहन उत्पादक कंपन्यांना लागणाऱ्या वाहनांच्या तीस टक्के सुट्या भागांचा पुरवठा कोइम्बतूरमधून होतो. याशिवाय देशातील पन्नास टक्के मोटार पंप कोइम्बतूरमध्ये उत्पादित होत असल्याने या शहराला ‘पंप सिटी’ असेही संबोधले जाते. त्यामुळे नाशिकच्या उद्योजकांकडून कोइम्बतूर विमानसेवेसाठी पाठपुरावा सुरू होता.
अजबच! बाईक टोइंग करताना मालकालाही धोकादायकरीत्या उचललं; पुण्यातील घटना, कर्मचाऱ्यांची अरेरावी
नाशिककरांना दक्षिण भारतात हैदराबाद व बेंगळुरूच्या पुढे थेट विमानसेवा उपलब्ध नव्हती. या पार्श्वभूमीवर ‘इंडिगो’ने ही विमानसेवा उपलब्ध करून दिली आहे. दरम्यान, आगामी सिंहस्थाच्या पार्श्वभूमीवर आणखी काही शहरे नाशिकशी थेट जोडली जावीत, यासाठी पाठपुरावा सुरू असल्याचे ‘निमा’चे उपाध्यक्ष मनीष रावल यांनी सांगितले.
मोठी बातमी! महाराष्ट्रातील ६४ लाख शेतकऱ्यांच्या खात्यावर जमा होणार तब्बल २५५५ कोटी, कृषिमंत्र्यांची घोषणा
विमानांच्या वेळा अशा…
नाशिक येथून दर सोमवारी, बुधवारी, शुक्रवारी व रविवारी व्हाया गोवा ही सेवा उपलब्ध राहील. हे विमान नाशिक येथून दुपारी ३.५० वाजता निघून सायंकाळी ५.५० वाजता गोव्याला पोहोचेल. तेथून सायंकाळी ६.१५ वाजता निघून ते रात्री ८.१० वाजता कोइम्बतूरला पोहोचेल. या प्रवासात विमान बदलण्याची गरज राहणार नाही. कोइम्बतूर येथून सकाळी १०.४० वाजता विमान निघून ते दुपारी १२.३५ वाजता गोवा येथे पोहोचेल. तेथून ते १२.५५ वाजता निघून दुपारी २.४० वाजता नाशिकला पोहोचेल. या सेवेचे बुकिंगही सुरू झाले आहे.