Eknath Shinde CM for Ladki Bahin – पुण्यात शिवसेना शिंदे गटाच्या बैठकीदरम्यान शिवसेनेच्या महिला नेत्याने लाडक्या बहिणींना अजूनही वाटतं मुख्यमंत्री एकनाथ शिंदेचं आहेत असं वक्तव्य करत एकच खळबळ उडून दिली आहे.
आज पुण्यात शिवसेनेचे शहर आणि जिल्हा संवाद बैठक संपर्कप्रमुख उदय सामंत यांच्या नेतृत्वात पार पडली. या संवाद बैठकीदरम्यान शिवसेना नेत्या आणि आमदार नीलम गोऱ्हे यांनी लाडक्या बहिणींना अजूनही वाटतं मुख्यमंत्री एकनाथ शिंदेचं आहेत असं वक्तव्य करत एकच खळबळ उडून दिली आहे. लाडक्या बहिणीला लाच नाही तर जगण्याचा अधिकार दिला हे समजावून सांगा. लाडक्या बहिणींना अजूनही वाटतं मुख्यमंत्री एकनाथ शिंदेचं आहेत. असं निलम गोऱ्हे या बैठकीत केलेल्या भाषणामध्ये म्हणाल्या आहेत. तर दुसरीकडे आमदार विजय शिवतारे यांनी महिलांना ४५ हजार कोटी रुपये दिले. एकनाथ शिंदे जर मुख्यमंत्री झाले नसते ते दुसऱ्या कुठल्याच मुख्यमंत्र्यांने असं धाडस केलं नसतं. असं म्हणत या योजनेचे श्रेय हे एकनाथ शिंदे यांचच असल्याचा सुतोवाच केला आहे.
महायुतीत पुन्हा एकदा खळबळ
महायुती सरकार स्थापन होत असताना मुख्यमंत्री पदावरून बराच गोंधळ उडाला होता. एकीकडे भारतीय जनता पक्ष मुख्यमंत्री पदाची खुर्ची सोडायला तयार नव्हता तर एकनाथ शिंदे यांची सुद्धा मुख्यमंत्री बनण्याची इच्छा काही लपून राहिलेली नव्हती. यावरून महायुतीमध्ये बराच काळ गोंधळाचं वातावरण निर्माण झालं होतं. आता पुन्हा नीलम गोऱ्हे यांनी लाडक्या बहिणीच्या मनात एकनाथ शिंदे हेच मुख्यमंत्री असल्याचं सांगत महायुतीत पुन्हा एकदा खळबळ उडवून दिली आहे.
मी थोडी शिस्त लावली की वाईट वाटतं
दरम्यान, या बैठकीत नीलम गोऱ्हे यांनी पक्षाचे सुद्धा कान टोचले आहेत. सगळे लाड करतात आणि मी थोडी शिस्त लावली की वाईट वाटतं, म्हणून मी आज काही बोलायचं नाही हेच ठरवलं होत. मला नाही वाटतं तुम्ही दारिद्र्य रेषेखालील शिवसैनिक आहात सगळ्यांनी एक शिवसेनेची पाटी लावायला हवी, सगळ्यांकडे छान छान गाड्या आहेत त्या असायलाच हव्यात. असं म्हणतं मर्सिडीज नंतर आता गोऱ्हे यांच्या भाषणात शिवसैनिकांच्या गाड्या आल्याच दिसलं. तर, शिंदे साहेबांचा अपमान झालं असं दिसताच संपूर्ण जिल्ह्यात आंदोलन झालंच पाहिजे, आपण सत्तेत आहोत म्हणजे आंदोलन करायचं नाही असं अजिबात नाही. असं म्हणत गोऱ्हे यांनी शिवसैनिकांमध्ये नवचैतन्य निर्माण करण्याचा देखील प्रयत्न केला.