दिशाच्या मृत्यू प्रकरणात मालवणी पोलिसांनी दिशा पटाणी आणि मिलिंद सोमण यांचा जबाब नोंदवला होता. दिशा काम करत असलेल्या कंपनीशी दिशा पटाणी आणि मिलिंद सोमण यांनी वेगवेगळ्या जाहिरातींसाठी करार केला होता. या दोन सेलिब्रेटिंसोबत संवाद साधण्याची जबाबदारी दिशा सालियन हिच्यावर होती. वडिलांचं अफेअर, सेलिब्रेटिंसोबत डील करताना आलेलं अपयश आणि आर्थिक कारणांमुळे दिशा सालियनने आत्महत्या केल्याचा रिपोर्ट मुंबई पोलिसांनी नोंदवला होता.

कॉर्नरस्टोन कंपनीशी संबंधित 2 बाबींमुळे दिशा तणावात होती, असं पोलिसांनी रिपोर्टमध्ये म्हटलं होतं. दिशा सालियन ही कॉर्नरस्टोन कंपनीत काम करत होती. या कंपनीसोबत दिशा पटाणी आणि मिलिंद सोमण यांचा संबंध आला होता. त्यामुळे या दोन्ही सेलिब्रेटिंचा जबाब नोंदवण्यात आला होता. या दोन्ही सेलिब्रेटिंनी कॉर्नरस्टोन कंपनीसोबत 2 जाहिरातींसाठी करार केला होता. यावेळी दिशा सालियन या दोन्ही सेलिब्रेटिंच्या संपर्कात होती. कंपनीकडून तिच्यावर दोन्ही सेलिब्रेटिंसोबत संपर्काची जबाबदारी होती.

या दरम्यान दिशा पाटणीने करार नसलेल्या गोष्टी करण्यास नकार दिल्याने दिशा सालियन टेन्शनमध्ये होती. तर मिलिंद सोमण यांनी एका मोबाईलची जाहिरात केली होती. तो मोबाईल चिनी कंपनीचा होता. पण सोमण यांनी #banchinaproducts असं ट्विट केलं होतं. त्यावर कॉर्नरस्टोन कंपनीने आक्षेप घेतला होता. करार संपुष्टात आल्याने मी ट्विट डिलीट करणार नाही, अशी भूमिका मिलिंद सोमण यांनी घेतली होती. यामुळे देखील दिशा सालियन टेन्शनमध्ये होती, असं पोलिसांनी रिपोर्टमध्ये म्हटलं होतं, अशी माहिती आता समोर येत आहे.