निलंबित पोलीस उपनिरीक्षक रणजित कासले सध्या चर्चेचा विषय बनले आहेत. रणजित कासलेंनी व्हिडिओ शेयर करत बीड व धनंजय मुंडेंबाबत गौप्यस्फोट केले होते. यानंतर गुरुवारी (२७ मार्च) ते मनसे अध्यक्ष राज ठाकरेंच्या भेटीला आले होते. राज ठाकरेंच्या निवासस्थानी शिवतीर्थ बंगल्यावर ही भेट होणार होती. मात्र ही भेट झाली नसल्याचे कासलेंनी नवा व्हिडिओ शेयर करत सांगितले. उपमुख्यमंत्री एकनाथ शिंदे व राज ठाकरेंवरच आता विश्वास असल्याचे कासले म्हणाले. तर करुणा मुंडे व पंकजा मुंडे बीडचे भविष्य असल्याचा उल्लेखही त्यांनी केला.