Santosh Deshmukh Murder Case: सरपंच संतोष देशमुख हत्या प्रकरणात आता एक नवी थिअरी समोर आली आहे. आवादा कंपनीकडे मागण्यात आलेल्या खंडणीच्या आड आल्यानं संतोष देशमुखांची अपहरण करुन निर्घृण हत्या करण्यात आल्याचं तपास यंत्रणांच्या तपासातून स्पष्ट झालं आहे.
संतोष देशमुख हत्या प्रकरणात माजी मंत्री धनंजय मुंडे यांचा निकटवर्तीय वाल्मिक कराडदेखील अटकेत आहे. हत्या प्रकरणातील आरोपी जयराम चाटे आणि महेश केदार यांचा जबाब समोर आला आहे. त्यातून सुग्रीव कराडचं नावही समोर आलं आहे. सुग्रीव कराडच्या सांगण्यावरुन सरपंच संतोष देशमुख आणि काही ग्रामस्थांनी सुदर्शन घुलेला मारहाण केली होती. त्याचा बदला म्हणून घुले आणि त्याच्या साथीदारांनी देशमुख यांना मारहाण केली. त्यात त्यांचा मृत्यू झाला, असं जयराम चाटे आणि महेश केदारनं पोलिसांना दिलेल्या जबाबात म्हटलं आहे. विशेष म्हणजे चाटे आणि केदार यांच्या जबाबात खंडणीचा उल्लेख कुठेही नाही.
Prashant Koratkar: महाराजांची बदनामी करतोस का? कोरटकरवर कोर्टात हल्ला; वकिलाची थेट झडप, पोलिसांची तारांबळ
‘आवादा कंपनीच्या आवारात सुदर्शन घुलेला मारहाण झाली होती. सरपंच देशमुख आणि ग्रामस्थांनी सुग्रीव कराडच्या सांगण्यावरुन घुलेला मारहाण केली. या प्रकारामुळे घुले आणि वाल्मिक अण्णा कराडचा अपमान झाल्याचं फरार आरोपी कृष्णा आंधळेनं आम्हाला सांगितलं. घुले आणि वाल्मिक अण्णाच्या अपमानाचा बदला घ्यावा लागेल, असं आंधळे आम्हाला म्हणाला होता,’ असं चाटे आणि केदारनं जबाबात म्हटलं आहे.
घुलेला झालेल्या मारहाणीचा बदला घेण्यासाठी संतोष देशमुख यांना मारहाण करण्यात आली. त्यामध्ये त्यांचा मृत्यू झाला, असा दावा चाटे आणि केदारनं केला आहे. त्यांच्या जबाबामुळे या प्रकरणात सुग्रीम कराड नावाची एन्ट्री झालेली आहे. सुग्रीव कराडच्या सांगण्यावरुन सरपंच देशमुख आणि ग्रामस्थांनी घुलेला मारहाण केली, असं चाटे आणि केदारनं सांगितलं आहे. त्यामुळे सुग्रीव कराड नेमका कोण, असा प्रश्न उपस्थित झाला आहे.
लेखकाबद्दलकुणाल गवाणकरमहाराष्ट्र टाईम्स ऑनलाईनमध्ये सिनियर डिजिटिल कंटेट प्रोड्युसर म्हणून कार्यरत. ११ वर्षांपूर्वी वृत्तपत्रातून पत्रकारितेची सुरुवात. सकाळ, जय महाराष्ट्र, टीव्ही ९ मराठी, लोकसत्ता ऑनलाईन, न्यूज१८ लोकमत, लोकमत ऑनलाईनमधून प्रवास करत मटा ऑनलाईनपर्यंत वाटचाल; क्राईमच्या बातम्यांमध्ये हातखंडा; राजकीय, निवडणूक विषयक बातम्यांमध्ये रस.… आणखी वाचा