पश्चिम उपनगरात राहणाऱ्या सॉफ्टवेअर इंजिनीअर तरुणाच्या आयुष्यात गेल्या वर्षी ऑगस्टमध्ये तणावपूर्ण परिस्थिती निर्माण झाली. यातून कसे बाहेर पडावे, याचा विचार करीत असताना त्याला ‘डिव्हाइन टॉक अॅप’चा पर्याय दिसला. त्याने या अॅपचा वापर सुरू केला. या अॅपवर ओळख झालेल्या एकाने पूजा करावी लागेल, त्यासाठी १५ हजार खर्च अपेक्षित आहे, असे सांगितले. ही रक्कम अदा केल्यावर आणखी काही विधी केल्यास सर्व अडचणी दूर होतील, असे सांगत २८ हजार रुपयांची मागणी केली. तरुणाने त्यास नकार देताच पूजा अर्धवट सोडल्यास तुझा मृत्यू होईल. शिवाय, तीन ब्राह्मणांनाही जीव गमवावा लागेल. यासह निरनिराळी कारणे देत ही व्यक्ती पैसे मागत गेली.
शिंदेंच्या फायरब्रँड आमदाराला राज्यमंत्रिपदाचा दर्जा, फडणवीसांनी जाहीर केलेल्या समितीचं प्रमुखपद
अॅपकडून निशांत नावाचा आध्यात्मिक मार्गदर्शक, बडे महाराज आणि नूरी पांडे नावाची महिला तरुणाच्या संपर्कात होते. सुमारे १२ लाख २० हजार रुपये दिल्यानंतरही त्या व्यक्तीकडून पैशांची मागणी थांबेना. अखेर तरुणाने मित्रांकडे पैशाची मागणी केली. कारण सांगताच सर्वांनी त्याला वेड्यात काढले. म्हणून सॉफ्टवेअर इंजिनीअरने गुगलवर जाऊन अॅपबाबत ‘रिव्ह्यू’ तपासला असता, अनेकांची फसवणूक झाल्याचे त्याच्या निदर्शनास आले. त्याने त्वरित सायबर पोलिसांकडे जाऊन याबाबत तक्रार केली. पोलिसांनी तिघांविरुद्ध गुन्हा दाखल करून तांत्रिक पुराव्यांवरून तपास सुरू केला आहे.