Mumbai News: मुंबईतील रस्ते खड्डेमुक्त करण्यासाठी त्यांचे सिमेंट काँक्रीटीकरण केले जात आहे. या कामांचा दर्जा राखण्यासाठी मुंबई महालिकेच्या रस्ते विभागाने ‘थर्ड पार्टी ऑडिट’चा निर्णय घेतला आहे
हायलाइट्स:
- खड्डेमुक्त रस्त्यांसाठी सिमेंट काँक्रीटीकरणाचा निर्णय
- कामाचा दर्जा योग्य नसल्याची अनेक प्रकरणे समोर
- आयआयटी, मुंबईची सल्लागार म्हणून नेमणूक
शिंदेंच्या फायरब्रँड आमदाराला राज्यमंत्रिपदाचा दर्जा, फडणवीसांनी जाहीर केलेल्या समितीचं प्रमुखपदरस्त्यांची देखभाल, पुनर्रचना आणि पुनर्वसनासाठी योग्य पद्धती निश्चित करण्यासाठी आवश्यक सल्ला देणे, प्रत्येक रस्त्याची आवश्यकतेनुसार तपासणी करणे, गुणवत्ता नियंत्रण चाचणी अहवालाची तपासणी करणे, तांत्रिक लेखापरीक्षण अहवाल तयार करणे, नियमितपणे प्रकल्पस्थळांना भेटी देणे इत्यादी कामे आयआयटी, मुंबईकडून करण्यात येणार आहेत. त्यानुसार रस्त्यांच्या कामाच्या पाहणीला सुरुवातही झाली असून, या संस्थेच्या देखरेखीखालीच क्राँक्रीटीकरणाची कामे होत आहेत. एका पाहणीदरम्यान एका प्रकरणात काँक्रीटीकरणासाठी मिश्रण महापालिकेने नाकारले आहे.
योगींची टिप्पणी म्हणजे ब्लॅक कॉमेडी! भाषावादावरुन एमके स्टॅलिन यांचा पलटवारमुंबईत २०५० किमीचे रस्ते आहेत. महापालिकेने सर्व रस्त्यांचे काँक्रीटीकरण करण्याचा निर्णय घेतला असून, ५० टक्क्यांपेक्षा जास्त कामे पूर्ण झाली आहेत. सध्या ७०१ किमी रस्त्यांची कामे हाती घेताना यासाठी सहा हजार कोटींपेक्षा जास्त खर्च केला जात आहे. मात्र, तरीही काही ठिकाणी तडे जाण्याचे प्रकार समोर आले आहेत. जानेवारी २०२५मध्ये काम सुरू झालेल्या सांताक्रूझ पश्चिम येथील भार्गव मार्गाच्या कामाची भाजप आमदार आशीष शेलार यांनी नुकतीच पाहणी केली होती. यावेळी काँक्रीटीकरण केलेल्या रस्त्याला तडे गेल्याचे निदर्शनास आले. याशिवाय पवई आणि अंधेरी लोखंडवालासह अन्य ठिकाणीही काँक्रीटीकरणाचा दर्जा योग्य नसल्याचे समोर आले. त्यामुळे आयआयटी, मुंबईला सल्लागार म्हणून नेमण्याशिवाय पर्याय उरला नसल्याचे सूत्रांचे म्हणणे आहे.
राजे निवडणुकीपुरतेच; कादंबरीकार विश्वास पाटील यांचे राजकारण्यांना खडे बोलप्रत्येक रस्त्याच्या कामाची सामर्थ्य चाचणी
मुंबईत सिमेंट काँक्रीट रस्त्यांच्या कामांची गुणवत्ता वाढवण्यासाठी प्रत्येक रस्तेकामाची सामर्थ्य चाचणी (कोअर टेस्ट) केली जाणार आहे. त्यासाठी संयंत्राच्या साह्याने रस्त्याचा भाग वर्तुळाकार पद्धतीने कापून नमुना म्हणून पुढील तपासणीसाठी आयआयटी, मुंबईच्या प्रयोगशाळेत पाठवण्यात येत आहे. यातून काँक्रीटीकरणासाठी वापरण्यात आलेल्या सामग्रीचे गुणोत्तर, टिकाऊपणा सिद्ध होतानाच गुणवत्ता हमीही मिळणार आहे. आयआयटी, मुंबईचे मनुष्यबळ व अन्य यंत्रणेचा वापर होणार असल्यानेच त्यांना ३८ कोटी रुपये मोजण्यात आल्याचे सूत्रांनी सांगितले.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा