डॉ. निलेश पाटील यांनी रक्त थांबविण्यासाठी ड्रेसिंग केली आणि इंजेक्शन दिले. डॉक्टरांनी गिरीश महाजन यांना औषधे दिली. मंत्री गिरीश महाजन यांच्या डोक्याला जबर मार लागल्यामुळे त्यांना क्षणभर काहीच उमजत नव्हते. त्यांना चक्कर आल्यासारखे झाले. मात्र न थांबता मंत्री गिरीश महाजन त्याच स्थितीत शहिद जवान अर्जुन बाविस्कर यांच्या पत्नीला आणि परिवाराला जाऊन भेटले. गिरीश महाजनांनी शहीद जवानाच्या कुटुंबियांचं सांत्वन केलं.

काळजी करू नका देश सेवा करीत असतांना अर्जुनला वीर मरण आले. याचे दुःख आमच्या मनात आहे मात्र मी आणि राज्य सरकार बाविस्कर यांच्या परिवाराच्या दुःखात सहभागी आहोत, असे गिरीश महाजन यांनी अभिवाचन दिले. मंत्री महाजन यांच्या डोक्याला जबर मार लागला असतांना सुद्धा ते पुढे अंत्ययात्रेत तिरंगा सर्कल पर्यंत चालत गेले. तिथे त्यांनी हजारो वरणगावकरांच्या उपस्थित मानवंदना दिली. डॉ निलेश पाटील यांनी उपचारासाठी पुढे जाण्याचा सल्ला दिला. मात्र मंत्री गिरीश महाजन यांनी नाकारत तातडीने नाशिक येथे महत्वाची बैठक असल्याने मला जावे लागणार आहे, असे सांगून त्याच स्थितीत मंत्री गिरीश महाजन तातडीने वाहनाने नाशिककडे रवाना झाले.
दिशा सालियन प्रकरणात शिंदेंच्या ताकदवान नेत्याकडून ठाकरेंची पाठराखण, उद्धव साहेब सज्जन, पण आदित्य…

वरणगावचे वीर सुपुत्र शहीद अर्जुन बावीस्कर यांच्यावर शासकीय इतमामात अंत्यसंस्कार

वरणगाव तालुका भुसावळ येथील जवान अर्जुन लक्ष्मण बावस्कर हे अरुणाचल प्रदेशमध्ये ड्युटीवर असतांना २४ मार्चला हृदयविकाराच्या झटक्याने शहीद झाले होते. त्यांच्या निधनाची बातमी समजताच संपूर्ण गावावर शोककळा पसरली. त्यांच्या पार्थिवावर २७ मार्चला वरणगांव येथील कृषी उत्पन्न बाजार समितीच्या प्रांगणात शासकीय इतमामात अंत्यसंस्कार करण्यात आले आहे . शहीद जवान अर्जुन बावस्कर हे भारतीय लष्करात १५ वर्षापासून सेवा बजावत होते. ते अरुणाचल प्रदेशमध्ये कर्तव्यावर असताना त्यांना हृदय विकाराचा झटका आला आणि त्यातच त्यांचे निधन झाले होते.

याप्रसंगी पालकमंत्री गुलाबराव पाटील, मंत्री गिरीश महाजन, आमदार एकनाथराव खडसे यांनी घटनास्थळी भेट दिली. यावेळी सैनिकाकडून मानवंदना देऊन कृषी उत्पन्न बाजार समितीमध्ये मान्यवरांच्या हस्ते श्रद्धांजली अर्पण करून, बंदुकीच्या फेरी झाडून शहीद अर्जुन यांस अखेरचा निरोप देण्यात आला आहे.