इंधनाचे वाढते दर आणि पर्यावरणाचं होणारं नुकसान लक्षात घेऊन शासनाकडून इलेक्ट्रिक वाहनांना प्राधान्य दिलं जात असल्याची माहिती मुख्यमंत्री देवेंद्र फडणवीस यांनी सभागृहात दिली. आतापासूनच शासनाची तसेच सर्व मंत्र्यांची वाहने इलेक्ट्रिक असणार, अशी घोषणा मुख्यमंत्र्यांनी विधान परिषदेत केली. तसेच इलेक्ट्रिक गाडी घेण्यासाठी कर्ज घेतल्यास व्याजावर सवलतही देऊ, असं देवेंद्र फडणवीस म्हणाले. मात्र, यावेळी विरोधी पक्षनेते अंबादास दानवे यांनी मुख्यमंत्र्यांना मर्सिडीजचा उल्लेख करत खोचक सवाल केला. यानंतर देवेंद्र फडणवीस आणि अंबादास दानवे यांच्यात राजकीय जुगलबंदी बघायला मिळाली.
‘Aaditya Thackeray यांची नार्को टेस्ट करा’, Bhavana Gawali विधान परिषदेत आक्रमक

देवेंद्र फडणवीस काय म्हणाले?

“टप्प्याटप्प्याने सगळ्या मंत्र्यांच्या गाड्या या EV करण्यात येतील. सरकारच्या गाड्याही टप्प्याटप्प्याने EV करण्यात येतील”, अशी माहिती देवेंद्र फडणवीस यांनी सभागृहात दिली. “पुढचा प्रयत्न असेल जिथे जिथे शक्य असेल तिथे ईव्हीनेच रिप्लेसमेंट करण्यात येईल. आमदारांना मात्र जे लोन मिळतं ते ईव्ही करताच देण्यात येईल”, असं देवेंद्र फडणवीस म्हणाले. यानंतर विरोधी पक्षनेते अंबादास दानवे हे आपल्या जागेवरुन उठले आणि त्यांनी देवेंद्र फडणवीस यांना खोचक सवाल केला.
Beed News : निलंबित PSI रणजित कासले यांचा Dhananjay Munde यांच्यावर खळबळजनक आरोप

अंबादास दानवेंचा सवाल फडणवीसांचं तसंच उत्तर

“सभापती महोदय, आमदारांना लोनसाठी 10 लाखापर्यंतच मर्यादा आहे. आम्हाला मर्सिडीज घ्यायची आहे. मुख्यमंत्री महोदय, आम्हाला मर्सिडीज घ्यायची आहे. त्यामुळे EV मध्ये अशा काही फॅसिलिटी करता येतील का ते बघा:, असं अंबादास दानवे म्हणाले आणि सभागृहात हशा पिकला. त्यावर मुख्यमंत्र्यांनीदेखील तसंच उत्तर दिलं. “माननीय विरोधी पक्षनेते गव्हरमेंट स्किम इज ऑन्ली फॉर निडी नॉट फॉर ग्रीडी”, असं देवेंद्र फडणवीस म्हणाले.