रविवारी रात्री कुणाल कामरानं त्याच्या यूट्यूब चॅनलवर ‘नया भारत’ नावाचा व्हिडीओ अपलोड केला. त्यात कामरानं काही विडंबन गीतं सादर केली. दिल तो पागल है सिनेमातील ‘भोली सी सूरत आँखो मे मस्ती’ या गाण्याच्या चालीवर कामरानं ‘ठाणे की रिक्षा, चेहरे पे दाढी, आँखो पे चष्मा हाये.. मेरी नझर से तुम देखो तो गद्दार नजर वो आए’ हे गीत म्हटलं. याचे पडसाद दुसऱ्याच दिवशी उमटले. कामरानं मुंबईच्या खारमधील हॅबिटट स्टुडिओत स्टँड अप कॉमेडी शो केला होता. त्या स्टुडिओत घुसून शिवसैनिकांनी तोडफोड केली.
Kunal Kamra: महाराष्ट्राच्या तमाम जनतेकडून धन्यवाद! कुणाल कामराची झोळी भरली, कोणी किती रक्कम दिली?
कामरामुळे हॅबिटट स्टुडिओत तोडफोड झाली आणि हा स्टुडिओ पुन्हा एकदा वादाच्या केंद्रस्थानी आला. मुंबई महापालिकेनं हॅबिटट स्टुडिओत जाऊन बेकायदा बांधकाम पाडलं. हॅबिटट स्टुडिओ वादात सापडण्याची ही काही पहिलीच वेळ नाही. अनेक कलाकारांनी इथे येऊन कला सादर केलेली आहे. ते वादात सापडले आहेत. त्यामुळे हॅबिटटही चर्चेत आला आहे.
रिक्षावाला ठाणे से बुलडोझर लेके आया! गायकाचं कामराला सुरेल प्रत्युत्तर, कंगनाचाही उल्लेख
द हॅबिटट आणि हॉटेल युनिकाँटिनेंटलेची मालकी बलराज सिंग घई आहेत. काही दिवसांपूर्वी ‘इंडियाज गॉट लेटेंट’ शो वादात सापडला. त्या शोचे निर्माते घईच आहेत. शिवसैनिकांनी हॅबिटटमध्ये तोडफोड केली. त्यानंतर पालिकेनं हॅबिटटमधील अनधिकृत बांधकाम पाडलं. या सगळ्यामुळे घई यांचं नुकसान झालं. घडलेल्या घडामोडी पाहता हॅबिटट अनिश्चित काळासाठी बंद ठेवण्यात आलेला आहे. त्यामुळे घई यांचं नुकसान वाढणार आहे.

एकीकडे हॅबिटट स्टुडिओ चर्चेत असताना नेटकऱ्यांनी त्याचे मालक घई यांचं ५ वर्षांपूर्वीचं ट्विट शोधून काढलं. त्यावेळी राज्यात महाविकास आघाडीचं सरकार होतं. उद्धव ठाकरे मुख्यमंत्री होते. त्यावेळी अभिनेत्री कंगनाच्या कार्यालयावर पालिकेनं बुलडोझर चालवला होता. त्यावर घई यांनी ‘उखाड दिया’ असं ट्विट केलं होतं. ते ट्विट नेटकऱ्यांनी शोधून काढलं आहे. हॅबिटटमध्ये तोडफोड झाल्यावर अनेकांनी घईंना ‘उखाड दिया’ची आठवण करुन दिली. कर्माची फळं भोगावी लागतात, अशा स्वरुपाच्या प्रतिक्रिया यावर येत आहेत.