कामराने आपल्या गीतातून राज्यातील राजकीय स्थितीवर भाष्य केले. यावेळी त्याने गद्दार शब्द वापरला. यावर आता कामराचा पोलिसांसोबतचा संवादही पुढे आला. आपण सादर केलेल्या गीताबद्दल आपल्याला कोणताही खेद वाटत नसल्याचे कामराने पोलिसांना सांगितले, असे वृत्त एनडीटीव्हीने सुत्रांच्या हवाल्याने दिले आहे. ‘जर न्यायालयानं सांगितलं तरच मी माफी मागेन,’ असा पवित्रा त्याने घेतला. यातच त्याची इन्स्टाग्राम पोस्ट समोर आली आहे.

कुणाला कामराने इन्स्टाग्राम पोस्टमध्ये लिहिले की, ‘मनोरंजन स्थळ हे फक्त एक व्यासपीठ आहे. सर्व प्रकारच्या शोसाठी एक जागा. हॅबिटॅट किंवा (इतर कोणतेही ठिकाण) माझ्या विनोदासाठी जबाबदार नाही, किंवा मी काय बोलतो किंवा करतो यावर त्याचा कोणताही अधिकार किंवा नियंत्रण नाही.’ असा पलटवार कामराने केला आहे.
https://www.instagram.com/p/DHlyO3PSCoT/?igsh=QkJFeXhZOWcteQ%3D%3Dhttps://www.instagram.com/p/DHlyO3PSCoT/?igsh=QkJFeXhZOWcteQ%3D%3D
कामराने पुढे ‘कोणत्याही राजकीय पक्षाने विनोदी कलाकाराच्या शब्दांसाठी स्थळावर हल्ला करणे हे टोमॅटो वाहून नेणारी लॉरी उलटण्याइतके मूर्खपणाचे आहे. कारण तुम्हाला दिलेले बटर चिकन तुम्हाला आवडले नाही.’ अशी खोचक टीकाही केली आहे.

दरम्यान उपमुख्यमंत्री एकनाथ शिंदेंनी कामराने सादर केलेल्या गीताचा विरोध केला. तर मुख्यमंत्र्यानीही कामराने केलेली विधानं स्वीकारार्ह नसल्याचे म्हटले आहे. तर शिवसेना नेत्यांकडून कुणाल कामराला धारेवर धरले जात आहे.

कुणाल कामराने याबद्दल पोलिसांनी संवाद साधताना शिंदेंना लक्ष्य करण्यासाठी विरोधकांनी पैसे दिल्याचा आरोप फेटाळला आहे. कुणाल कामरा त्याच्या विनोदी शैलीमुळे आणि हजरजबाबीपणामुळे प्रसिद्ध आहे. त्याने रविवारी स्टँड अप कॉमेडीमधील व्हिडिओ त्याच्या सोशल मीडिया अकाऊंटवरुन पोस्ट केला. त्यामध्ये त्याने ‘भोली सी सुरत’ गाण्याच्या चालीवर राजकीय विडंबनगीत सादर केले. ज्यामुळे शिवसेनेने त्याच्यावर उपमुख्यमंत्री एकनाथ शिंदेंच्या अपमानाचा आरोप केला. त्यानंतर वातावरण तापले आणि मुंबईच्या खारमधील स्टुडिओत घुसून तोडफोड केली. कामराच्या विरोधात एमआयडीसी पोलीस ठाण्यात एफआयआर देखील दाखल करण्यात आला आहे.